Foto:elements.envato.com
Energetika ministri Bolat Aqsholaqovqa benzin men dizel otynynyń baǵasy týraly suraq qoiyldy, - dep habarlaidy Tengrinews.kz.
"Bul másele, árine, mańyzdy jáne barlyq azamatty alańdatady. Biraq aldaǵy 180 kúnde janar-jaǵarmai baǵasy ózgermeidi. Tiisti buiryqqa qol qoiylǵan. Kelesi jyly kóremiz", - dedi ministr OKQ brifinginde jýrnalisterdiń suraǵyna jaýap bere otyryp.
Ol kórshi eldermen salystyrǵanda janar-jaǵarmai baǵasynda aitarlyqtai aiyrmashylyq bar ekenin túsindirdi. Onyń aitýynsha, bul janar-jaǵarmai aǵynyna alyp keledi.
"Bul baǵa aiyrmashylyǵy jyl saiyn artyp keledi. Qazir ol Resei jáne Qyrǵyzstanmen salystyrǵanda eki eseden artyq. Eger 2020 jyly naryqqa 424 myń tonna munai ónimderi jóneltilgen bolsa, biyl - 517 myń tonna jáne tapshylyq baiqalady. Bul eksportqa qatysty, bizde tranzittik kólik kóp", - dedi ministr.
Soǵan qaramastan, kelesi jylǵa janar-jaǵarmai qunynyń aitarlyqtai ósýine qatysty jospar men boljam joq ekenin túsindirdi.
