19 sáýirden bastap Belgiia turǵyndary men azamattary esh kedergisiz elge kirip-shyǵa alady. Buǵan deiin elde mańyzdy emes saparlarǵa shekteý qoiylǵan. Endi elge kirgender karantindi saqtaý úshin «qatań baqylaýǵa» alynady, dep habarlaidy "Ult aqparat".
Eýroodaq shekarasynan ótý máselesi boiynsha Belgiia Shengen aimaǵynyń jalpy eýropalyq erejelerine baǵynady.
Belgiiaǵa «qyzyl» aimaqtaǵy elderden kelgenderge «Travelers Online» portalynda tirkelýden ótý qajet. Arnaiy jasaqtalǵan forma 2 PTR testin tapsyrýdy mindetteidi. Atalmysh formany Belgiiaǵa kirer aldynda 48 saǵat buryn toltyrý kerek.
El aýmaǵynda saiahatshylar qatań karantin rejimin saqtaýy kerek. Alǵashqy PTR test kelgen kúni tapsyrylýy tiis. Ekinshisi jetinshi kúni tapsyrylady.
Joǵaryda atalǵan erejeni saqtamaǵandarǵa 250 eýro kóleminde aiyppul salynady.
Jetinshi kúni test teris nátije kórsetse, karantin aiaqtalady. Eger test oń nátije berse, kelýshi ózin-ózi on kúnge deiin oqshaýlaýy tiis.
