19 سەۋٸردەن باستاپ بەلگييا تۇرعىندارى مەن ازاماتتارى ەش كەدەرگٸسٸز ەلگە كٸرٸپ-شىعا الادى. بۇعان دەيٸن ەلدە ماڭىزدى ەمەس ساپارلارعا شەكتەۋ قويىلعان. ەندٸ ەلگە كٸرگەندەر كارانتيندٸ ساقتاۋ ٷشٸن «قاتاڭ باقىلاۋعا» الىنادى, دەپ حابارلايدى "ۇلت اقپارات".
ەۋرووداق شەكاراسىنان ٶتۋ مەسەلەسٸ بويىنشا بەلگييا شەنگەن ايماعىنىڭ جالپى ەۋروپالىق ەرەجەلەرٸنە باعىنادى.
بەلگيياعا «قىزىل» ايماقتاعى ەلدەردەن كەلگەندەرگە «Travelers Online» پورتالىندا تٸركەلۋدەن ٶتۋ قاجەت. ارنايى جاساقتالعان فورما 2 پتر تەستٸن تاپسىرۋدى مٸندەتتەيدٸ. اتالمىش فورمانى بەلگيياعا كٸرەر الدىندا 48 ساعات بۇرىن تولتىرۋ كەرەك.
ەل اۋماعىندا ساياحاتشىلار قاتاڭ كارانتين رەجيمٸن ساقتاۋى كەرەك. العاشقى پتر تەست كەلگەن كٷنٸ تاپسىرىلۋى تيٸس. ەكٸنشٸسٸ جەتٸنشٸ كٷنٸ تاپسىرىلادى.
جوعارىدا اتالعان ەرەجەنٸ ساقتاماعاندارعا 250 ەۋرو كٶلەمٸندە ايىپپۇل سالىنادى.
جەتٸنشٸ كٷنٸ تەست تەرٸس نەتيجە كٶرسەتسە, كارانتين اياقتالادى. ەگەر تەست وڭ نەتيجە بەرسە, كەلۋشٸ ٶزٸن-ٶزٸ ون كٷنگە دەيٸن وقشاۋلاۋى تيٸس.
