Senbi kúni Belgiianyń Lej qalasynda jergilikti jastar men politsiia qyzmetkerleri qaqtyǵysyp qaldy, dep habarlaidy "Ult aqparat".
Internette afrikalyq áieldi politsiia qyzmetkerleri ustap áketkeni týraly video taralǵannan keiin Belgiiada narazylyq bastaldy.
Politsiia qyzmetkerleri 40-tan asqan áielge onyń qujattaryn teksermek bolǵan kezde kúsh qoldanǵan.
Qoǵamdyq narazylyqqa áieldiń úsh balanyń anasy ekendigi túrtki boldy.
Sonymen qatar, belgiialyq buqaralyq aqparat quraldary atalǵan áiel politsiia qyzmetkeriniń qolynan «tistep alǵanyn» jazady.
Senbi kúni Sen-Lambert alańynda «Black Lives Matter» qozǵalysynyń 200-ge jýyq jas belsendileri jinaldy.
Sodan keiin keibir narazylyq bildirýshiler agressiia kórsete bastaǵan.
Saǵat 15:00-de mototsiklden jerge laqtyrylǵan politsiia qyzmetkeri jaraqat aldy.
Odan keiin bir top adam Frantsýz Respýblikasy alańyndaǵy jyldam tamaqtaný meiramhanalarynyń birine shabýyl jasap, jaqyn mańda turǵan kólikter qirap, qoqys jáshikteri aýdarylǵan.
Lej ákimi qala ortalyǵyndaǵy barlyq saýdagerlerge dúkenderin jabýdy talap etip habarlama jiberdi.
Sondai-aq, belsendiler politsiia bólimshesi men Lej qalalyq ákimdiginiń terezelerin syndyrdy. Nátijesinde 11 politsiia qyzmetkeri jaraqat alyp, birneshe ondaǵan adam ustaldy.
