Batys Flandriia (Belgiia) aýdanyndaǵy Haýthýlst jerinde COVID-19-dyń britandyq shtammy taralýda.
Munda 128 adam virýstyń mýtatsiialanǵan túrin juqtyrǵan. Olardyń 63-i qarttar úiiniń turǵyny, dep habarlaidy "Ult aqparat".
Qazirgi ýaqytta Belgiiada koronavirýstyń britandyq shtammyn juqtyrý jaǵdailarynyń jalpy sany az, biraq bul san sózsiz artady, dep málimdedi jeksenbide belgiialyq virýsolog Mark van Ranst.
«Jańa jyldan bastap olardyń sany ósýde. Biz britandyq shtammdy juqtyrýshylardyń kóbeigenin baiqap otyrmyz. Rojdestvo merekelerinen keiin elge saiahatshylardyń kelýi onyń taralýyna yqpal etken bolýy múmkin. Aldaǵy ýaqytta jaǵdaidyń qalai damitynyn kóreiik», - dedi M.Ranst.
Virýsolog britandyq shtammǵa mán berý qajet dep sanaidy.
«Osy ártúrli shtamdardy anyqtaý óte mańyzdy. Aýrýdyń aýyrlyǵy ózgerissiz qalsa da, nazar aýdarý kerek. Sondyqtan COVID-19-ǵa qatysty sharalardy, onyń ishinde britandyq shtammmen kúreste atalǵan talaptardy saqtaý mańyzdy. Sonymen qatar, bólmelerdi durys jeldetý de mańyzdy», - dep keńes berdi belgiialyq maman.
