Belgiiada 2020 jylǵy 28 jeltoqsannan bastap halyqty koronavirýsqa qarsy vaktsinatsiialaý bastalady. Alǵashqy maquldanǵan antidot Pfizer jáne BioNTech ázirlegen preparat bolmaq, dep habarlaidy "Ult aqparat".
Vaktsinatsiia Valloniia, Briýssel jáne Flandriiada ornalasqan 3 Qarttar úiinde, sondai-aq nemistildi qaýym mekemeleriniń birinde júrgiziledi.
Bul rette Pýýrs jerindegi (Antverpen provintsiiasy) Qarttar úiindegi egde jastaǵy adamdar men meditsina qyzmetkerleri vaktsinany alǵashqy bolyp almaq. Dál osy Pýýrsta Pfizer-BioNTech vaktsina óndirisi boiynsha álemdegi eki zaýyttyń biri ornalasqan.
Dúisenbi kúni Eýropalyq komissiia Pfizer kompaniiasynyń koronavirýsqa qarsy vaktsinasyn resmi túrde maquldady.
«Biz eýropalyqtar úshin Covid-19-ǵa qarsy alǵashqy vaktsinany qoljetimdi etý arqyly Eýropa jetistikteriniń tarihyna mańyzdy taraý qosamyz», - dep málimdedi Eýrokomissiianyń basshysy Ýrsýla von der Liaien.
«Biz ýáde etkendei, vaktsina EO-nyń barlyq eli úshin qoljetimdi bolady», - dep atap ótti ol.
