Briýsseldiń birinshi instantsiiadaǵy soty Qazaqstannyń málimdeýinshe aldaýmen alynǵan QR Ulttyq qory aktivteriniń shamamen 21,5 milliard AQSh dollary somasynan aldyn ala tyiym salýdy joiyp, 530 million AQSh dollary kólemindegi qalǵan qarajattan shekteýdi aǵylshyn sottarynda alyp tastaýǵa bolady dep uiǵardy, - dep habarlaidy "Ult aqparat" QR Ádilet ministrliginiń baspasóz qyzmetine silteme jasap.
Vedomstvo málimetinshe,Stati Shvetsiiadaǵy tórelik arqyly Qazaqstannan 4 milliard AQSh dollaryn talap etti, alaida olarǵa 500 million AQSh dollary uiǵaryldy. Osy qarajattyń ishinen 199 million AQSh dollary gaz óńdeý zaýyty qurylysyna ketken shyǵyndarmen bailanysty bolǵan tárizdi.
Keiinnen AQSh-ta bólek sot protsedýrasy arqyly alynǵan qujattar arqyly Qazaqstan Statidiń talaptary iri alaiaqtyqqa negizdelgendigi jóninde dálelder aldy. Shvetsiia tórelik sheshimniń kúshin joimai jáne alaiaqtyq faktisin tipti máni boiynsha qaramaǵanyna qaramastan, Angliianyń Joǵary soty usynylǵan dálelderdi qarastyryp, ótken jyldyń maýsym aiynda tórelik sheshim alaiaqtyq jolymen alynǵandyǵy týraly jetkilikti túrde bastapqy dálelder bar degen qorytyndyǵa kelip, sáikesinshe aǵymdaǵy jylǵy qazan aiyna alaiaqtyqtyń máni boiynsha tyńdaý ótkizýdi belgiledi.
Osydan keiin Stati jeti elde májbúrli túrde oryndaý boiynsha teńdesi joq naýqan bastap, Qazaqstannyń Ulttyq bankine jáne Ulttyq qorǵa tiesili 22 milliard AQSh dollarynan astam soma kólemindegi aktivterge aldyn ala tyiym saldy, bul soma olardyń talaptarynan anaǵurlym asyp túsedi.
Belgiialyq sot ýaqytsha tyiym salý Statidiń talaptary men shyǵyndarynyń somasymen ǵana, atap aitqanda 530 million AQSh dollarymen shektelýi kerek dep uiǵara otyryp, Statidiń strategiiasyn shaiqaltty, bul Qazaqstannyń Ulttyq bankine tiesili shamamen 21,5 milliard AQSh dollary mólsherindegi aktivterinen shekteýdi alyp tastaýǵa ákeledi. Budan basqa, belgiialyq sottyń uiǵarýynsha, tyiym salý úshin negizdiń bar-joqtyǵyn naq aǵylshyn sottary sheshýi tiis. Qazaqstan Respýblikasy men Qazaqstannyń Ulttyq banki tyiym salynǵan qarajattyń qalǵan bóliginen shekteýdi alyp tastaý úshin Angliiada tiisti áreketter qabyldaityn bolady.
"Tyiym salynatyn qarajatty ulǵaitý jáne bul rette úshinshi tulǵalardy qamtýǵa baǵyttalǵan Statidiń strategiiasyna syzat tústi. Statidiń strategiiasy bastapqydan elimizge qysym kórsetýge baǵyttalǵan", - deidi QR ádilet ministri Marat Beketaev.
"Belgiialyq sheshim Stati alaiaqtyq týraly dáleldemeler qarastyrylatyn sot talqylaýyn aiaqtai almai, Angliiada iri jeńiliske ushyraǵannan keiin bir apta ótken soń shyqty.
Stati Angliiadaǵy sot talqylaýlaryn qazaqstandyq aktivterge tyiym salýǵa qol jetkizý úshin bastady. Alaida sot alaiaqtyq dáleldemelerine qyzyǵýshylyq tanyta bastaǵanda-aq olar isti toqtatý jóninde sátsiz talpynys jasady, al ótken aptada sot talqylaýyn keiinge qaldyrýǵa tyrysty. Bul rette málemdegeni, budan bylai olar múddelerin ózderi bildiretin bolady, óitkeni olardyń advokattary King and Spalding birneshe kún buryn olardyń múddelerin bildirýdi toqtatty", - delingen vedomstvonyń habarlamasynda.
"Statidiń shemasy olardyń kóz aldynda buzylýda. Stati qandai is-áreket jasasa da, shyndyqty jasyra almaidy", - deidi QR Ádilet ministri Marat Beketaev.
Osyǵan deiin ministr Beketaev Qazaqstan Ulttyq qoryndaǵy buǵattalǵan 22 milliard dollardyń QR ieliginde qala beretinin málimdegen edi.
