Belgiianyń memlekettik organdary Jańa jyldan keiin bolatyn demalys kúnderi shekarada elge kirýshilerge baqylaý kúsheietinin málimdedi, dep habarlaidy "Ult aqparat".
«Shet elderden oralǵan belgiialyqtar budan da qatal shekaralyq baqylaýdan ótedi», - dep jariialady seisenbi kúni Belgiianyń ishki ister ministri Annelis Verlinden.
«Federaldyq bilik qatań tekseristerdi áýejailarda, vokzaldar men avtomobil joldarynda júrgizýde» delingen Belgiia IIM-niń málimdemesinde.
«Biz 2020 jyldyń naýryz aiynda bastan keshken jaǵdaidyń qaitalanýyn boldyrmaýymyz qajet. Ol kezde demalystan qaityp oralǵan Belgiia turǵyndarynyń bir bóligi elde koronavirýstyń taralýyn jyldamdatqan bolatyn», - dedi ministr.
Bekitilgen ereje boiynsha, Belgiiaǵa kiretin barlyq jolaýshylardyń qolynda koronavirýspen aýyrmaitynyn dáleldeitin test qorytyndysy bolýy tiis.
Belgiianyń federaldyq politsiiasy elge kiretin barlyq tulǵalar toltyrýǵa mindetti jolaýshylardy izdeýdiń arnaiy formasynyń (PLF) durys toltyrylýyn qadaǵalaitynyn eskertedi.
