Belgiiadaǵy qatań karantin tártibi taǵy eki aptaǵa uzartyldy, dep habarlaidy "Ult aqparat".
Juma kúni Briýsselde el úkimeti janyndaǵy konsýltativtik komitettiń otyrysy ótip, qazirgi epidemiologiialyq jaǵdai talqylandy.
COVID-19 juqtyrǵandar sany azaiǵanyna qaramastan, Belgiia úkimeti karantin tártibin jeńildetýge áli erte degen sheshimge kelip, oqshaýlaný erejesin 2021 jyldyń 22 qańtaryna deiin uzartty.
Sarapshylardyń aitýynsha, «rojdestvo demalystarynan» kelgen saiahatshylar men mektepterdegi sabaqtyń jandanýy koronavirýstyń órshýine ákep soǵýy múmkin.
Sondai-aq bilik ókilderi mekemelerdegi qashyqtan jumys isteý erejelerin tekseredi. Múmkindiginshe saparǵa shyqpaýǵa keńes beriledi, al «qyzyl aimaqtan» oralǵandar qosymsha tekseristen ótip, oqshaýlanýy kerek.
Sonymen qatar konsýltativtik komitet sarapshylar tobyna júginip, barlyq salalardyń jumysyn jandandyrý kestesin quryp, qai jerde qatań jumys hattamasy kerek ekenin kórsetýdi surady.
Sondai-aq ony «múmkindiginshe tez ári tiimdi» jasaýdy ótindi.
Belgiia úkimeti janyndaǵy Konsýltativtik komitettiń kelesi otyrysy 2021 jyldyń 22 qańtaryna josparlanǵan.
