Briýssel biligi komendanttyq saǵatty jeltoqsan aiynyń ortasyna deiin uzartý týraly sheshim qabyldady, dep habarlaidy "Ult aqparat".
Qazan aiynyń sońynda Briýsselde koronavirýsqa shaldyqqan adamdar sanynyń kúrt ósýine bailanysty saǵat keshki 22:00-den tańǵy 06:00-ge deiin turǵyndardyń qozǵalysyna shekteý qoiylǵan.
Búgin Briýssel qalalyq aimaǵynyń basshysy Rýdi Vervort komendanttyq saǵattyń 2020 jylǵy 13 jeltoqsanǵa deiin uzartylatynyn málimdedi.
«Briýsselde pandemiia statistikasy áli de alańdaýshylyq týdyrtyp otyr», - dep atap ótti qala basshysy.
Belgiianyń Sciensano ǵylymi ortalyǵynyń málimetinshe, 18 qarashada elorda aimaǵynda KOVID-19 virýsyn juqtyrýdyń 400-den astam jańa oqiǵasy tirkeldi.
Belgiialyq Valloniia da aimaqtyq komendanttyq saǵatty atalǵan kúnge deiin uzartqan.
