Belgili jýrnalist, Arqa óńirine tanymal qalamger Maǵaýiia Slambekuly Sembai dúieden ótti. Qaiǵyly habardy alǵashqylardyń biri bolyp «Ortalyq Qazaqstan» gazetiniń bas redaktory Qambar Ahmetov jazdy, – dep habarlaidy «Ult aqparat».
Maǵaýiia Sembai 1955 Qarqaraly aýdanyndaǵy Aqqora aýylynda dúniege kelgen.
1976 jyly Qazaq memlekettik ýniversitetiniń jýrnalistika fakýltetin bitirgen soń qalamgerlik qyzmetin Qaraǵandy oblystyq «Ortalyq Qazaqstan» gazetinde bastaidy. Munda qatardaǵy tilshiden bólim meńgerýshisi, jaýapty hatshy, bas redaktordyń birinshi orynbasaryna deiingi joldan ótti. Respýblikalyq «Egemen Qazaqstan» gazetiniń aǵa tilshisi, Qaraǵandy oblysy boiynsha menshikti tilshisi bolǵan.
1997-2019 jyldar aralyǵynda — «Ortalyq Qazaqstan» gazetiniń bas redaktory.
«Jaýynger qyzdar» — «Boevye podrýgi» (1995), «Qolyma qalam aldym aitamyn dep…» (2005), «Alashtyń aldaspany» (2010), «Oitamyzyq» (2015), «Qubylys» (2016) jáne «Jeruiyq» (2017) jinaqtarynyń avtory.
Qazaqstan Jýrnalister odaǵy syilyǵynyń laýreaty (1980), G.Tolmachev atyndaǵy respýblikalyq baiqaýdyń «2009 jylǵy tańdaýly BAQ redaktory» syilyǵynyń iegeri, Qazaqstannyń eńbek sińirgen qairatkeri (2009). Oblystyq Máslihattyń III jáne IV shaqyrylymynyń depýtaty (2003 jyldan). Qazaqstan Respýblikasy Mádeniet jáne aqparat ministrliginiń «Mádeniet qairatkeri» belgisiniń iegeri. QR tórt merekelik medalimen marapattalǵan. Budan bólek Qaraǵandy oblysy ákiminiń «Altyn suńqar» syilyǵynyń arnai júldesiniń, QR Prezidenti syilyǵynyń iegeri.
