Almaty politsiiasy tanymal kinorejisserdiń úiin tonaǵan uryny ustady, dep habarlaidy "Ult aqparat".
Urylar onyń úiine tapa-tal túste túsken. Úide eshkimniń joqtyǵyna kóz jetkizgen urylar esikke sáikes keletin kiltti taýyp, úige kirgen.
«Olar qymbat tehnikany urlap ketken. Bul tehnikany úi iesi kino túsirýge qoldanady. Sonymen, kelgen shyǵyn kólemi 2,5 mln teńgege jetti. Bul qylmysty ashý maqsatynda jedel tergeý toby quryldy. Birneshe kún ishinde kúdiktiniń kim ekeni anyqtalyp, ustaldy. 27 jastaǵy Talǵar qalasynyń turǵyny buryn da múlik tonaǵany úshin isti bolǵan. Ol qoldy etken qymbat apparatty 200 myń teńgege satyp jibergen. Qazir atalǵan zat tárkilenip alyndy. Jaqyn arada iesine qaitaramyz», - dedi qalalyq PD basqarma basshysy Janbolat Ziadin.
Politsiia Jańa jyl qarsańynda statistika boiynsha úi tonaý derekteri kóbeiip ketetinin aitty. Sondyqtan, qala turǵyndaryna qaýipsizdik sharalaryn saqtaýǵa keńes beredi.
