- Búgin Almaly aýdandyq sotynda belgili kásipker Liliia Rah pen onyń sybailastaryna qatysty sot úkimi shyqty, dep habarlaidy Ult.kz tilshisi QazAqparat agenttigine silteme jasap.
Adam urlady dep aiyptalǵan Liliia Rah 7 jylǵa, Miri Paz 7,5 jylǵa, Islam Misirov pen Baqyt Shalbaev 8 jylǵa jeke múlki tárkilene otyryp sottaldy.
Aita keteiik, jaryssózde Lilia Rahqa memlekettik aiyptaýshy Áliia Qaisova 7 jyl 6 ai jeke múlkin tárkilei otyryp, bas bostandyǵynan aiyrýdy suraǵan bolatyn.
Sonymen qatar, prokýror «Rah isi» boiynsha sottalýshylardyń biri Miri Pazdy jeke múlkin tárkilei otyryp, jalpy rejimdegi koloniiada 8 jyl 6 ai jazasy óteýdi, Islam Misirov pen Baqyt Shalbaevty 8 jylǵa bas bostandyǵynan aiyrýdy surady.
Buǵan deiin habarlaǵanymyzdai, apta sońynda ótken sot otyrysynda aiyptalýshylar: Islam Misirov pen Baqyt Shalbaev iske qatysty jaýap berip, jábirlenýshi Hamro Sývanovpen mámilege kelgenin aitqan bolatyn.
Eske sala keteiik, Hamro Sývanov sot talqylaýynda Liliia Rahty keshirgenin, onymen bas arazdyǵy bolmaǵanyn aityp, qylmystyq jaýapkershilikten bosatýdy suraǵan.
Liliia Rahtyń avdokaty qorǵaýyndaǵy azamatshanyń ýaqytsha tergeý abaqtysynda densaýlyǵy nasharlaýyna bailanysty ony qamaýda ustaý týraly sot qaýlysyn úi qamaqqa aýystyrý nemese kepildik arqyly bosatý týraly sotqa ótinim bergen. Alaida, sot Liliia Rahty ýaqytsha tergeý abaqtysynda usaýdy merzimin jeltoqsan aiyna deiin uzartqan edi.
