- بٷگٸن المالى اۋداندىق سوتىندا بەلگٸلٸ كەسٸپكەر ليلييا راح پەن ونىڭ سىبايلاستارىنا قاتىستى سوت ٷكٸمٸ شىقتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
ادام ۇرلادى دەپ ايىپتالعان ليلييا راح 7 جىلعا, ميري پاز 7,5 جىلعا, يسلام ميسيروۆ پەن باقىت شالباەۆ 8 جىلعا جەكە مٷلكٸ تەركٸلەنە وتىرىپ سوتتالدى.
ايتا كەتەيٸك, جارىسسٶزدە ليليا راحقا مەملەكەتتٸك ايىپتاۋشى ەلييا قايسوۆا 7 جىل 6 اي جەكە مٷلكٸن تەركٸلەي وتىرىپ, باس بوستاندىعىنان ايىرۋدى سۇراعان بولاتىن.
سونىمەن قاتار, پروكۋرور «راح ٸسٸ» بويىنشا سوتتالۋشىلاردىڭ بٸرٸ ميري پازدى جەكە مٷلكٸن تەركٸلەي وتىرىپ, جالپى رەجٸمدەگٸ كولونييادا 8 جىل 6 اي جازاسى ٶتەۋدٸ, يسلام ميسيروۆ پەن باقىت شالباەۆتى 8 جىلعا باس بوستاندىعىنان ايىرۋدى سۇرادى.
بۇعان دەيٸن حابارلاعانىمىزداي, اپتا سوڭىندا ٶتكەن سوت وتىرىسىندا ايىپتالۋشىلار: يسلام ميسيروۆ پەن باقىت شالباەۆ ٸسكە قاتىستى جاۋاپ بەرٸپ, جەبٸرلەنۋشٸ حامرو سۋۆانوۆپەن مەمٸلەگە كەلگەنٸن ايتقان بولاتىن.
ەسكە سالا كەتەيٸك, حامرو سۋۆانوۆ سوت تالقىلاۋىندا ليلييا راحتى كەشٸرگەنٸن, ونىمەن باس ارازدىعى بولماعانىن ايتىپ, قىلمىستىق جاۋاپكەرشٸلٸكتەن بوساتۋدى سۇراعان.
ليلييا راحتىڭ اۆدوكاتى قورعاۋىنداعى ازاماتشانىڭ ۋاقىتشا تەرگەۋ اباقتىسىندا دەنساۋلىعى ناشارلاۋىنا بايلانىستى ونى قاماۋدا ۇستاۋ تۋرالى سوت قاۋلىسىن ٷي قاماققا اۋىستىرۋ نەمەسە كەپٸلدٸك ارقىلى بوساتۋ تۋرالى سوتقا ٶتٸنٸم بەرگەن. الايدا, سوت ليلييا راحتى ۋاقىتشا تەرگەۋ اباقتىسىندا ۇساۋدى مەرزٸمٸن جەلتوقسان ايىنا دەيٸن ۇزارتقان ەدٸ.
