Foto: QR MAM
QR Mádeniet jáne aqparat ministrligi mádeniet pen jýrnalistika salasynyń kórnekti ókili, qalamger, rejisser-stsenarist, mediamenedjer Ǵalym Doskenniń dúnieden ozǵanyn habarlap, onyń otbasy men jaqyndaryna qaiǵyra kóńil aitty, dep habarlaidy Ult.kz.
Ǵalym Tólembekuly – qazaq ádebieti, teleradio salasy jáne ulttyq jýrnalistikanyń damýyna airyqsha úles qosqan tulǵa. Ol «Ulan» gazetiniń bas redaktory, «Qazaqstan» teleradiokorporatsiiasynyń tóraǵasy qyzmetterin atqardy.
Sonymen qatar, «Qazaqtyń dástúrli 1000 áni» men «Qazaqtyń dástúrli 1000 kúii» atty antologiialyq jinaqtardy daiyndap, ulttyq ónerdiń asyl murasyn bolashaq urpaqqa jetkizýge zor eńbek sińirdi.
Rejisser ári stsenarist retinde «Kieli jerler», «Joǵalǵan jaryq hronikasy» syndy derekti filmderdi túsirip, qazaq halqynyń rýhani qazynasyn keńinen nasihattaýǵa yqpal etti.
Ómirin sóz óneri men mádenietke arnaǵan Ǵalym Tólembekulynyń jarqyn beinesi men eńbegi halyq jadynda máńgi saqtalatyny sózsiz.
Marqumnyń jany jánnatta bolsyn.
