فوتو: قر مام
قر مەدەنيەت جەنە اقپارات مينيسترلٸگٸ مەدەنيەت پەن جۋرناليستيكا سالاسىنىڭ كٶرنەكتٸ ٶكٸلٸ, قالامگەر, رەجيسسەر-ستسەناريست, مەديامەنەدجەر عالىم دوسكەننٸڭ دٷنيەدەن وزعانىن حابارلاپ, ونىڭ وتباسى مەن جاقىندارىنا قايعىرا كٶڭٸل ايتتى, دەپ حابارلايدى Ult.kz.
عالىم تٶلەمبەكۇلى – قازاق ەدەبيەتٸ, تەلەراديو سالاسى جەنە ۇلتتىق جۋرناليستيكانىڭ دامۋىنا ايرىقشا ٷلەس قوسقان تۇلعا. ول «ۇلان» گازەتٸنٸڭ باس رەداكتورى, «قازاقستان» تەلەراديوكورپوراتسيياسىنىڭ تٶراعاسى قىزمەتتەرٸن اتقاردى.
سونىمەن قاتار, «قازاقتىڭ دەستٷرلٸ 1000 ەنٸ» مەن «قازاقتىڭ دەستٷرلٸ 1000 كٷيٸ» اتتى انتولوگييالىق جيناقتاردى دايىنداپ, ۇلتتىق ٶنەردٸڭ اسىل مۇراسىن بولاشاق ۇرپاققا جەتكٸزۋگە زور ەڭبەك سٸڭٸردٸ.
رەجيسسەر ەرٸ ستسەناريست رەتٸندە «كيەلٸ جەرلەر», «جوعالعان جارىق حرونيكاسى» سىندى دەرەكتٸ فيلمدەردٸ تٷسٸرٸپ, قازاق حالقىنىڭ رۋحاني قازىناسىن كەڭٸنەن ناسيحاتتاۋعا ىقپال ەتتٸ.
ٶمٸرٸن سٶز ٶنەرٸ مەن مەدەنيەتكە ارناعان عالىم تٶلەمبەكۇلىنىڭ جارقىن بەينەسٸ مەن ەڭبەگٸ حالىق جادىندا مەڭگٸ ساقتالاتىنى سٶزسٸز.
مارقۇمنىڭ جانى جەنناتتا بولسىن.
