Táýelsiz Qazaqstannyń bokstan alǵashqy Olimpiada chempiony, Vel Barker kýbogynyń iegeri, birinshi aýyr salmaqta IBF tujyrymy boiynsha kásibi boksshylar arasynda burynǵy Álem chempiony, otandyq bokstyń ańyzyna ainalǵan "Balqash jolbarysy" Vasilii Jirov islam dinin resmi túrde qabyldady. Bul týraly Feisbýkte "Qazaqstan kásibi boksy" habarlady.
Vasilii Jirov Id-ýl-Fitr (Oraza Ait), merekesi qarsańynda islam dinin qabyldady, dep habarlandy "Haziret Sultan" meshitiniń resmi saitynda.
Instagramda rustam_abdussalamov atap ótkendei, "keshe erekshe kún boldy, erekshe ait! Ádettegidei tańǵy 5-te oiandyq, ait namazyna bardyq, biraq osy joly menimen namazǵa Vasia Jirov bardy, ol meniń janymda turdy, bir qatarda osyndai erekshe kúnde, elordanyń ortalyq meshitinde ómirindegi alǵashqy namazyn oqydy!".
