Belgili biznesmen, «Qazstroisteklo» zaýytynyń iesi Murathan Toqmádi 2 aiǵa qamaýǵa alyndy, dep habarlaidy QazAqparat tilshisi.
«Sot úkimimen QR Bas prokýratýrasynyń vedomstvoaralyq tergeý tobynyń ótinishi qanaǵattandyrylyp, Murathan Toqmádi 2 aiǵa qamaýǵa alyndy. Is materialdaryna sáikes, M.Toqmádi 2005 jyldan beri qylmystyq top quryp, «Qazstroisteklo», «Semriýjkom» JShS enshiles quryltaishysyn qorqytyp-úrkitip, atalǵan kásiporyndardaǵy jarǵylyq kapitaldyń úlesin tartyp alǵan. Osylaisha kásipkerge asa iri kólemde 185 137 246 teńge shyǵyn keltirgen», - dedi qalalyq sottyń baspasóz hatshysy Dias Mahambetov.
Aita ketý kerek, arnaiy qyzmet ókilderi «Qazstroisteklo» kompaniiasynyń zaýytynda tintý júrgizgen bolatyn. Arnaiy operatsiia barysynda biznesmen Murathan Toqmádi ustaldy. KTK arnasy taratqan aqparatqa súiensek, zaýyt iesi, biznesmen uzaq ýaqyttan beri iri qylmystyq topty basqaryp keledi. Bandanyń kóshbasshysyn birneshe jyldan beri arnaiy qyzmet ókilderi muqiiat baqylap kelgen. Qazir oǵan QR QK 194-babynyń 3-bólimimen aiyp taǵylyp otyr.
