Foto: Almaty2014iwf.com
Belgili qazaqstandyq aýyr atlet Vladimir Sedov óz úiinen óli tabyldy, dep habarlaidy "Ult aqparat" Jetisý oblysy Politsiia departamentiniń baspasóz qyzmetine silteme jasap.
"35 jastaǵy ziltemirshiniń denesi Qaratal aýdany Dostyq aýylyndaǵy turǵylyqty jerinen tabyldy. Denesinen zorlyq-zombylyq belgileri anyqtalǵan joq.
Marqumnyń týystarynyń aiǵaqtaryna qaraǵanda, er adam ózine qol jumsaǵan.
Qazirgi ýaqytta óz-ózine qol jumsaý deregimen QR Qylmystyq kodeksiniń 105-baby ("Ózin-ózi óltirýge deiin jetkizý") boiynsha sotaldy tergeý amaldary júrgizilip jatyr. Qylmystyq isti aýdandyq politsiia basshylyǵy baqylaýǵa aldy", - delingen habarlamada.
Aita keteiik, Vladimir Sedov – Qazaqstannyń eńbek sińirgen sport sheberi, 2008 jylǵy Beijiń Olimpiadasynyń qatysýshysy, Qazaqstan Respýblikasynyń tórt dúrkin chempiony, 2010 jylǵy Qazaqstan chempionatynyń rekordsmeni.
Ol 2016 jyldyń shildesinde dopingpen ustaldy. Al 2019 jyly 2008-2016 jyldar aralyǵyndaǵy barlyq titýly resmi túrde joiyldy.
