فوتو: Almaty2014iwf.com
بەلگٸلٸ قازاقستاندىق اۋىر اتلەت ۆلاديمير سەدوۆ ٶز ٷيٸنەن ٶلٸ تابىلدى, دەپ حابارلايدى "ۇلت اقپارات" جەتٸسۋ وبلىسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
"35 جاستاعى زٸلتەمٸرشٸنٸڭ دەنەسٸ قاراتال اۋدانى دوستىق اۋىلىنداعى تۇرعىلىقتى جەرٸنەن تابىلدى. دەنەسٸنەن زورلىق-زومبىلىق بەلگٸلەرٸ انىقتالعان جوق.
مارقۇمنىڭ تۋىستارىنىڭ ايعاقتارىنا قاراعاندا, ەر ادام ٶزٸنە قول جۇمساعان.
قازٸرگٸ ۋاقىتتا ٶز-ٶزٸنە قول جۇمساۋ دەرەگٸمەن قر قىلمىستىق كودەكسٸنٸڭ 105-بابى ("ٶزٸن-ٶزٸ ٶلتٸرۋگە دەيٸن جەتكٸزۋ") بويىنشا سوتالدى تەرگەۋ امالدارى جٷرگٸزٸلٸپ جاتىر. قىلمىستىق ٸستٸ اۋداندىق پوليتسييا باسشىلىعى باقىلاۋعا الدى", - دەلٸنگەن حابارلامادا.
ايتا كەتەيٸك, ۆلاديمير سەدوۆ – قازاقستاننىڭ ەڭبەك سٸڭٸرگەن سپورت شەبەرٸ, 2008 جىلعى بەيجٸڭ وليمپياداسىنىڭ قاتىسۋشىسى, قازاقستان رەسپۋبليكاسىنىڭ تٶرت دٷركٸن چەمپيونى, 2010 جىلعى قازاقستان چەمپيوناتىنىڭ رەكوردسمەنٸ.
ول 2016 جىلدىڭ شٸلدەسٸندە دوپينگپەن ۇستالدى. ال 2019 جىلى 2008-2016 جىلدار ارالىعىنداعى بارلىق تيتۋلى رەسمي تٷردە جويىلدى.
