«Oskar» syilyǵynyń 3 márte iegeri, «Atyn globýs» syilyǵynyń 5 márte iegeri, ataqty kinorejiser, prodiýser, stsenarist Oliver Stoýnnyń prodiýserligimen jaryq kórgen «Qazaq. Altyn adam tarihy» atty filmdi túsirýge 19 ai ketken, dep habarlaidy QazAqparat.
Bul týraly ortalyq kommýnikatsiialar qyzmetinde filmniń rejiseri, ýkraninalyq maman Igor Lopatenok málim etti.
Tanystyrylym barysynda Oliver Stoýn myrza bul filmniń prodiýseri ekenin, al rejisseri – ýkrainalyq maman Igor Lopatenok ekenin túsindirdi.
«Men Prezidentpen suhbat júrgizdim jáne filmge prodiýser retinde atsalystym»- dedi amerikalyq rejiser.
Ýkarinalyq rejiserdiń aitýynsha, filmdi túsirýge 19 ai ketken.
«Film jumystary 19 aiǵa sozyldy, biz birneshe suhbat sessiialaryn ótkizdik. Osydan keiin búkil el kóleminde ekspeditsiia jasaýdy josparladyq. Ókinishke qarai, ekspeditsiia pandemiiaǵa bailanysty úzilip qaldy. Biraq bul jait bizdi toqtata almady. Infektsiialardan qorqý kerek, biraq siz óz isimizdi de jasaýymyz kerek. Meniń oiymsha, biz bul filmdi múmkindigimizden tys jasadyq. Men óz ómirimdegi eń jaqsy jumystardyń birin istedim dep sanaimyn», - dedi film rejiseri.
Igor Lopatenok Oliver Stoýndy óziniń ustazy dep esepteitinin aitty.
«Men Oliverdi ustazym dep ataimyn, biraq ol budan bas tartyp júr. Ol osy filmniń premerasyn ótkizý úshin kóp jumys istedi. Qajet kezinde durys suraq qoia bilý kerek edi» - dep túiindedi Igor Lopatenok.
