Belgili aktrisa Sholpan Elgezek pen taǵy da eki adamnyń ólimine kúdikti Gelandewagen júrgizýshisiniń jol apaty oryn alar aldynda qaida bolǵany anyqtaldy, dep habarlaidy QazAqparat tilshisi.
Qaiǵyly oqiǵanyń jai-japsary týraly qalalyq Politsiia departamenti aityp berdi.
«Gelandewagen kóligin tizgindegen mas adamnyń Abai kóshesinde Mitsýbisi Galantty soǵyp, úsh adamnyń ómiriniń qiylýyna sebepker bolǵanyn bilemiz. Biraq sol júrgizýshiniń «Grand Opera» túngi klýbynda araq iship, klýbtan mas kúiinde shyqqanyn bireý bilse, bireý bilmeidi. Túngi klýbtar men barlardyń qojaiyndary kóp jaǵdailarda quqyq buzýshylyqtarǵa jol berip jatady», - dedi qalalyq Politsiia departamenti basshysynyń orynbasary Izbasar Bekturov.
Politsiia ókiliniń aitýynsha, qaladaǵy kóptegen quqyqbuzýshylyqtar kóńil kóteretin oryndardyń basshylarynyń jaýapsyzdyǵynan bolyp otyr.
Byltyrdyń ózinde túngi klýbtar men dámhanalardan politsiiaǵa 2 myńǵa jýyq qońyraý túsken. Klýb basshylary klientterdiń kópshiligi óz kóligimen kelgenin kóre tura, olarǵa alkogoldi ishimdik sata beredi.
«Jańa jyl túni qarsańynda «Pionerskaia pravda» túngi klýbynda kelýshiler ózara daý-janjal shyǵarǵan. Sonyń saldarynan klýbqa kelýshilerdiń biri aýyr jaraqat alyp, kóz jumǵan. Sonymen qatar, «Chýkotka» barynyń qasynda bolǵan tóbelesten de bir er adam mert bolǵany belgili. Oǵan qaramastan ol klýb mańynda áli de urys-tóbeles tolastar emes. Osyndai keleńsiz oqiǵalar klýb ákimshiliginiń durys jumys jasamaýynan oryn alady», - dedi polkovnik Bekturov.
Tártip saqshysy klýb qojaiyndarynyń kúzetshilerdi kósheden jaldaitynyn taǵy atap ótti.
«Mekemelerdiń 50 paiyzy kúzet qyzmetin syrttan jaldaidy. Olardyń kópshiliginiń daý-janjaldy ýshyqtyrmai sheshýde tájiribesi joq. Osydan 1 ai buryn «Everiia» dámhanasynda 1 boijetken kóz jumdy. Dámhanada qaýipsizdik sharalaryn tek 1 ǵana kúzetshi qadaǵalaǵan. Bul qyzmetkerdiń litsenziiasy bolmaǵandyqtan, ol qajetti qaýipsizdik sharalaryn qabyldai almady», - dedi ol.
Aita ketý kerek, politsiia qaladaǵy eń kriminogendi demalys oryndarynyń tizimin jariialaǵan bolatyn.
