Foto: Dmitrii Azarov, Kommersant
Senbi, 25 naýryzda Belarýste memleketke opasyzdyq jasaǵan sheneýnikter men áskeri qyzmetkerlerge ólim jazasyn qoldaný múmkindigin qarastyratyn zań kúshine endi, - dep habarlaidy Tengrinews.kz saity DW saityna silteme jasap.
Zańda laýazymdy tulǵalardy memleketke opasyzdyq jasaǵany úshin qylmystyq jaýaptylyqqa tartý kózdeledi.
"Qylmystyq jaýapkershilik týraly kodeksterge ózgerister engizý týraly" zań jobasyn ministrler keńesi Belarýs Ulttyq jinalysynyń ókilder palatasyna 2022 jyl qazannyń sońynda engizgen. 2023 jyldyń aqpanynyń sońynda ol Parlamentte eki oqylymnan ótip, odan keiin Respýblika Keńesi maquldady.
Belarýs prezidenti Aleksandr Lýkashenko qujatqa 9 naýryzda qol qoidy, al zań 14 naýryzda Belarýstiń Ulttyq quqyqtyq internet-portalynda jariialandy. Qujatta onyń resmi jariialanǵannan keiin on kún ótken soń qoldanysqa enetini kórsetilgen.
Zań memlekettik qyzmettegi barlyq adamdarǵa qatysty ekeni jáne osy zań aiasynda ómir boiyna bas bostandyǵynan aiyrý nemese ólim jazasyn qoldaný qarastyrylatyny aitylǵan.
