فوتو: دميتريي ازاروۆ, كوممەرسانت
سەنبٸ, 25 ناۋرىزدا بەلارۋستە مەملەكەتكە وپاسىزدىق جاساعان شەنەۋنٸكتەر مەن ەسكەري قىزمەتكەرلەرگە ٶلٸم جازاسىن قولدانۋ مٷمكٸندٸگٸن قاراستىراتىن زاڭ كٷشٸنە ەندٸ, - دەپ حابارلايدى Tengrinews.kz سايتى DW سايتىنا سٸلتەمە جاساپ.
زاڭدا لاۋازىمدى تۇلعالاردى مەملەكەتكە وپاسىزدىق جاساعانى ٷشٸن قىلمىستىق جاۋاپتىلىققا تارتۋ كٶزدەلەدٸ.
"قىلمىستىق جاۋاپكەرشٸلٸك تۋرالى كودەكستەرگە ٶزگەرٸستەر ەنگٸزۋ تۋرالى" زاڭ جوباسىن مينيسترلەر كەڭەسٸ بەلارۋس ۇلتتىق جينالىسىنىڭ ٶكٸلدەر پالاتاسىنا 2022 جىل قازاننىڭ سوڭىندا ەنگٸزگەن. 2023 جىلدىڭ اقپانىنىڭ سوڭىندا ول پارلامەنتتە ەكٸ وقىلىمنان ٶتٸپ, ودان كەيٸن رەسپۋبليكا كەڭەسٸ ماقۇلدادى.
بەلارۋس پرەزيدەنتٸ الەكساندر لۋكاشەنكو قۇجاتقا 9 ناۋرىزدا قول قويدى, ال زاڭ 14 ناۋرىزدا بەلارۋستٸڭ ۇلتتىق قۇقىقتىق ينتەرنەت-پورتالىندا جارييالاندى. قۇجاتتا ونىڭ رەسمي جارييالانعاننان كەيٸن ون كٷن ٶتكەن سوڭ قولدانىسقا ەنەتٸنٸ كٶرسەتٸلگەن.
زاڭ مەملەكەتتٸك قىزمەتتەگٸ بارلىق ادامدارعا قاتىستى ەكەنٸ جەنە وسى زاڭ اياسىندا ٶمٸر بويىنا باس بوستاندىعىنان ايىرۋ نەمەسە ٶلٸم جازاسىن قولدانۋ قاراستىرىلاتىنى ايتىلعان.
