Belarýs Ortalyq sailaý komissiiasynyń tóraǵasy Lidiia Ermoshina ONT telearnasynyń «Kontýry» baǵdarlamasyna bergen suhbatynda elde prezident sailaýy 2020 jyly 30 tamyzda ótýi múmkin ekendigin aitty, dep habarlaidy BELTA.
OSK tóraǵasy memleket basshysyn sailaýǵa tiimdi ýaqyt kóktem bolyp tabylatynyn aita kele: «Bizde qarasha aiynda sailaý ótedi, jeltoqsanda jańa parlament qalyptasyp úlgeredi. Bul degenimiz, úsh aidan keiin prezident sailaýyn belgileý kerek bolady. Al onda munalardy ne úshin aýystyrdyq?», - ol.
«Prezident sailaýy Konstitýtsiiada belgilengen merzimde ótedi dep oilaimyn. Iaǵni, 2020 jylǵy tamyzdyń 30-y. Menińshe, bul datany Belarýs Respýblikasy Prezidentiniń sailaýy ótetin kún dep ataýǵa bolady», - dedi Lidiia Ermoshina.
Onyń aitýynsha, bul, bir jaǵynan áli de jaz mezgili. Ekinshi jaǵynan, 30 tamyz – halyq eńbek demalystarynan oralatyn, stýdentter JOO-ǵa ornalasyp úlgeretin ýaqyt. Iaǵni, sailaýshylar tirkelgen jerlerinde bolady. «Biraq bul qazir boljam ǵana», - dep qosty ol.
Eske sala keteiik, Belarýs basshysy Aleksandr Lýkashenko 2019 jyly Ókilder palatasy men Respýblika Keńesine sailaý ótetinin, al prezident sailaýy 2020 jyly bolatynyn málimdegen edi
