بەلارۋس ورتالىق سايلاۋ كوميسسيياسىنىڭ تٶراعاسى ليدييا ەرموشينا ونت تەلەارناسىنىڭ «كونتۋرى» باعدارلاماسىنا بەرگەن سۇحباتىندا ەلدە پرەزيدەنت سايلاۋى 2020 جىلى 30 تامىزدا ٶتۋٸ مٷمكٸن ەكەندٸگٸن ايتتى, دەپ حابارلايدى بەلتا.
وسك تٶراعاسى مەملەكەت باسشىسىن سايلاۋعا تيٸمدٸ ۋاقىت كٶكتەم بولىپ تابىلاتىنىن ايتا كەلە: «بٸزدە قاراشا ايىندا سايلاۋ ٶتەدٸ, جەلتوقساندا جاڭا پارلامەنت قالىپتاسىپ ٷلگەرەدٸ. بۇل دەگەنٸمٸز, ٷش ايدان كەيٸن پرەزيدەنت سايلاۋىن بەلگٸلەۋ كەرەك بولادى. ال وندا مۇنالاردى نە ٷشٸن اۋىستىردىق?», - ول.
«پرەزيدەنت سايلاۋى كونستيتۋتسييادا بەلگٸلەنگەن مەرزٸمدە ٶتەدٸ دەپ ويلايمىن. ياعني, 2020 جىلعى تامىزدىڭ 30-ى. مەنٸڭشە, بۇل داتانى بەلارۋس رەسپۋبليكاسى پرەزيدەنتٸنٸڭ سايلاۋى ٶتەتٸن كٷن دەپ اتاۋعا بولادى», - دەدٸ ليدييا ەرموشينا.
ونىڭ ايتۋىنشا, بۇل, بٸر جاعىنان ەلٸ دە جاز مەزگٸلٸ. ەكٸنشٸ جاعىنان, 30 تامىز – حالىق ەڭبەك دەمالىستارىنان ورالاتىن, ستۋدەنتتەر جوو-عا ورنالاسىپ ٷلگەرەتٸن ۋاقىت. ياعني, سايلاۋشىلار تٸركەلگەن جەرلەرٸندە بولادى. «بٸراق بۇل قازٸر بولجام عانا», - دەپ قوستى ول.
ەسكە سالا كەتەيٸك, بەلارۋس باسشىسى الەكساندر لۋكاشەنكو 2019 جىلى ٶكٸلدەر پالاتاسى مەن رەسپۋبليكا كەڭەسٸنە سايلاۋ ٶتەتٸنٸن, ال پرەزيدەنت سايلاۋى 2020 جىلى بولاتىنىن مەلٸمدەگەن ەدٸ
