Belarýste koronavirýspen bailanysty úsh jaǵdai tirkeldi. Bul týraly tilshilerge Densaýlyq saqtaý ministriniń orynbasary – Bas sanitarlyq dáriger Natalia Jýkova habarlady, dep jazady BELTA agenttigi.
«Bizde koronavirýspen bailanysty úsh jaǵdai tirkeldi. Olardyń qaýipti indetpen bailanysty ekendigi aiqyn, endi tekserý nátijelerin rastaý úshin olar DDSU-nyń referens-zerthanasyna jiberiledi», - dedi Natalia Jýkova.
Ol óz elindegi zerthanalardyń jumysyna kámil senetinin jetkizdi.
Koronavirýs anyqtalǵan Vitebsk turǵynynyń densaýlyq jaǵdaiy qanaǵattanarlyq. Onyń dene qyzýy qalypty, áiel adamnyń deni saý dese bolady.
Bul týraly BELTA-ǵa Densaýlyq saqtaý ministrliginen habarlandy.
Minskidegi eki patsienttiń de densaýlyq jaǵdailary durys. Olardyń tipti dene qyzýy da kóterilgen joq.
«Biz tek jaǵdaidy baqylaýda ustap otyrmyz. Qajet bolǵanda kómektesýge daiynbyz», - dep qosty Belarýs memlekettik meditsinalyq ýniversitetiniń kafedra meńgerýshisi, meditsina ǵylymdarynyń doktory, professor Igor Karpov.
