بەلارۋستە كوروناۆيرۋسپەن بايلانىستى ٷش جاعداي تٸركەلدٸ. بۇل تۋرالى تٸلشٸلەرگە دەنساۋلىق ساقتاۋ مينيسترٸنٸڭ ورىنباسارى – باس سانيتارلىق دەرٸگەر ناتاليا جۋكوۆا حابارلادى, دەپ جازادى بەلتا اگەنتتٸگٸ.
«بٸزدە كوروناۆيرۋسپەن بايلانىستى ٷش جاعداي تٸركەلدٸ. ولاردىڭ قاۋٸپتٸ ٸندەتپەن بايلانىستى ەكەندٸگٸ ايقىن, ەندٸ تەكسەرۋ نەتيجەلەرٸن راستاۋ ٷشٸن ولار ددسۇ-نىڭ رەفەرەنس-زەرتحاناسىنا جٸبەرٸلەدٸ», - دەدٸ ناتاليا جۋكوۆا.
ول ٶز ەلٸندەگٸ زەرتحانالاردىڭ جۇمىسىنا كەمٸل سەنەتٸنٸن جەتكٸزدٸ.
كوروناۆيرۋس انىقتالعان ۆيتەبسك تۇرعىنىنىڭ دەنساۋلىق جاعدايى قاناعاتتانارلىق. ونىڭ دەنە قىزۋى قالىپتى, ەيەل ادامنىڭ دەنٸ ساۋ دەسە بولادى.
بۇل تۋرالى بەلتا-عا دەنساۋلىق ساقتاۋ مينيسترلٸگٸنەن حابارلاندى.
مينسكٸدەگٸ ەكٸ پاتسيەنتتٸڭ دە دەنساۋلىق جاعدايلارى دۇرىس. ولاردىڭ تٸپتٸ دەنە قىزۋى دا كٶتەرٸلگەن جوق.
«بٸز تەك جاعدايدى باقىلاۋدا ۇستاپ وتىرمىز. قاجەت بولعاندا كٶمەكتەسۋگە دايىنبىز», - دەپ قوستى بەلارۋس مەملەكەتتٸك مەديتسينالىق ۋنيۆەرسيتەتٸنٸڭ كافەدرا مەڭگەرۋشٸسٸ, مەديتسينا عىلىمدارىنىڭ دوكتورى, پروفەسسور يگور كارپوۆ.
