Qorǵanys ministri Rýslan Jaqsylyqov jeke qurammen jumys kezinde qatelikter jibergen generaldar men áskeri sheneýnikterge sógis jariialady.
BAQ betterinde Rýslan Jaqsylyqovtyń genelardar men áskeri shendilerdiń jumysyn synǵa alyp, qyzmetinen bosatqan videosy tarady.
“Biz Belarýsiiaǵa ainalyp baramyz ba? Álde joǵary laýazymǵa qol jetkizip alǵan soń bosańsyp qaldyńdar ma? Degenderińe qol jetkizdińder, boldy ma? Birinshe kezekte, qoǵam senderden neni talap etedi? Jastardyń ómirin saqtap qalý. Sender aldymen qol astyndaǵy adamdardyń ómirine jaýaptysyńdar. Olardyń jumys isteýine barlyq jaǵdaidy jasaý kereksińder”, – dep eskertti Qorǵanys ministri.
Rýslan Jaqsylyqov Áýe qorǵanysy kúshteri bas qolbasshysynyń tárbie isi jónindegi orynbasary polkovnik Talǵat Syzdyqovtyń laýazymyn atqaryp otyrǵan qyzmetine sai emes dep tapty. Sondai-aq ministr general-maior Nurtas Qabaqovty Áýe qorǵanysy kúshteriniń qolbasshysy qyzmetinen bosatý týraly ótinish beretinin aitty.
"Keshirińizder, biraq men sizderdiń tarapyńyzdan baqylaýdyń joqtyǵyn aityp, únemi nusqap otyrýym kerek pe", – dedi ministr.
