قورعانىس مينيسترٸ رۋسلان جاقسىلىقوۆ جەكە قۇراممەن جۇمىس كەزٸندە قاتەلٸكتەر جٸبەرگەن گەنەرالدار مەن ەسكەري شەنەۋنٸكتەرگە سٶگٸس جارييالادى.
باق بەتتەرٸندە رۋسلان جاقسىلىقوۆتىڭ گەنەلاردار مەن ەسكەري شەندٸلەردٸڭ جۇمىسىن سىنعا الىپ, قىزمەتٸنەن بوساتقان ۆيدەوسى تارادى.
“بٸز بەلارۋسيياعا اينالىپ بارامىز با? ەلدە جوعارى لاۋازىمعا قول جەتكٸزٸپ العان سوڭ بوساڭسىپ قالدىڭدار ما? دەگەندەرٸڭە قول جەتكٸزدٸڭدەر, بولدى ما? بٸرٸنشە كەزەكتە, قوعام سەندەردەن نەنٸ تالاپ ەتەدٸ? جاستاردىڭ ٶمٸرٸن ساقتاپ قالۋ. سەندەر الدىمەن قول استىنداعى ادامداردىڭ ٶمٸرٸنە جاۋاپتىسىڭدار. ولاردىڭ جۇمىس ٸستەۋٸنە بارلىق جاعدايدى جاساۋ كەرەكسٸڭدەر”, – دەپ ەسكەرتتٸ قورعانىس مينيسترٸ.
رۋسلان جاقسىلىقوۆ ەۋە قورعانىسى كٷشتەرٸ باس قولباسشىسىنىڭ تەربيە ٸسٸ جٶنٸندەگٸ ورىنباسارى پولكوۆنيك تالعات سىزدىقوۆتىڭ لاۋازىمىن اتقارىپ وتىرعان قىزمەتٸنە ساي ەمەس دەپ تاپتى. سونداي-اق مينيستر گەنەرال-مايور نۇرتاس قاباقوۆتى ەۋە قورعانىسى كٷشتەرٸنٸڭ قولباسشىسى قىزمەتٸنەن بوساتۋ تۋرالى ٶتٸنٸش بەرەتٸنٸن ايتتى.
"كەشٸرٸڭٸزدەر, بٸراق مەن سٸزدەردٸڭ تاراپىڭىزدان باقىلاۋدىڭ جوقتىعىن ايتىپ, ٷنەمٸ نۇسقاپ وتىرۋىم كەرەك پە", – دەدٸ مينيستر.
