Belarýs Prezidentin sailaýda merziminen buryn daýys berýdiń 2 kúni ishinde sailaýshylardyń 12,75 paiyzy óz tańdaýyn jasady. Mundai aqparat atalǵan eldiń Ortalyq sailaý komissiiasy saitynda ornalastyrǵan, dep habarlaidy "Ult aqparat".
Belarýs Ortalyq sailaý komissiiasynyń málimetinshe, Brest oblysynda óńir boiynsha tizimge qosylǵan sailaýshylardyń 11,26 paiyzy daýys bergen. Bul kórsetkish Vitebsk oblysynda - 12,16, Gomel oblysynda - 16,44 Grodnensk oblysynda - 10,01, Minsk oblysynda 12,61, Mogilevsk oblysynda 14,61 jáne Minsk qalasynda 11,73 paiyz boldy.
Tizimge qosylǵan sailaýshylardyń jalpy sany 6 836 585 adamdy quraidy.
Aita keterligi, osy jyly prezidenttik sailaý naýqanyna Belarýs azamattarynyń aitarlyqtai qyzyǵýshylyq tanytqany baiqalady. Osyǵan orai sailaýshylardyń daýys berý kórsetkishi buǵan deiin sailaý naýqandaryna qaraǵanda birshama joǵary bolady dep kútilýde. Mundai aqparatty Qazaqstandaǵy Belarýs Elshiligi taratyp otyr.
Degenmen koronavirýstyń taralýyna qarsy is-qimyl sharalaryna bailanysty sailaý ýchaskeleri sailaýshylardy qabyldaý múmkindigin qysqartqan bolatyn. Sondyqtan merziminen buryn daýys berý 4 tamyzda bastalyp, 8 tamyz kúni aiaqtalatyn bolady.
Al Qazaqstanda júrgen Belarýs azamattary 4-8 tamyz kúnderi saǵat 10-00-den 14-00-ge deiin jáne 16-00-den 19-00-ge deiin Nur-Sultan qalasy Qoshqarbaev dańǵyly 9 meken jaiyna kelip daýys bere alady.
