Energetika ministri Nurlan Noǵaev Belarýs Respýblikasyna munai eksporttaý týraly kelisimniń qashan ratifikatsiialanatynyn aitty, dep habarlaidy "Ult aqparat".
«Jýyqta Belarýs Respýblikasynyń Premer-Ministriniń Qazaqstanǵa jasaǵan sapary kezinde Belarýske munai jetkizý týraly kelisimge qol qoiyldy. Endi bizge osy kelisimdi ratifikatsiialaý kerek. Parlament ratifikatsiialaǵannan keiin indikativti jospar men jetkizilýi múmkin taýarlardyń tizbesin jasaimyz. Belarýs Respýblikasyna tasymaldanatyn munai ónimderiniń túrleri men kólemi osy jospardy daiyndaý kezinde talqylanady. Búgin ǵana Parlamenttiń jetinshi sessiiasy jabyldy. Parlament kúzde jandandyrady. Sol kezde osy qujatty ratifikatsiialaýǵa engizemiz», - dedi Nurlan Noǵaev eld aldyndaǵy eseptik kezdesýin qorytyndylaǵan brifingide.
Sondai-aq, ol atalmysh kelisimniń Qazaqstanǵa sanktsiialyq qaýpi joq ekenin aitty.
«Birinshiden, biz atalǵan kelisimdi ratifikatsiialaýymyz kerek. Men sanktsiialyq máselelerdiń bul bóligi Qazaqstanǵa ulasady dep oilamaimyn», - dedi vedomstvo basshysy.
