Foto: ashyq derekkóz
Astanada «Mellstroy» blogerine qatysty qylmystyq is boiynsha tergeý bastaldy dep habarlaidy Ult.kz.
Qarjylyq monitoring agenttigi (QMA) «Mellstroy» laqap atymen tanymal belorýs blogeri Andrei Býrimge qatysty tergeý júrgizilip jatqanyn resmi málimdedi. Ol Qazaqstan paidalanýshylaryna da baǵyttalǵan zańsyz onlain-kazino Mellstroy.game platformasyn jarnamalaý boiynsha kúdikke ilindi.
QMA Astana qalasy boiynsha departamenti blogerdi halyqaralyq izdeýge jariialady. Sot Býrimge qatysty qamaýda ustaý túrindegi bultartpaý sharasyn sanktsiialaǵan.
Tergeý málimetinshe, Mellstroy áleýmettik jelilerde iri kólemdi jarnamalyq naýqan uiymdastyryp, túrli utys oiyndary men chellendjder jariialaǵan. Qatysýshylarǵa TikTok, YouTube Shorts jáne ózge platformalarda Mellstroy.game ataýyn, logotipterin jáne sait siltemelerin kórsetý usynylǵan.
Agenttik málimetine súiensek, bloger buryn Reseide tikelei efir kezinde adamdy uryp-soqqany úshin jaýapqa tartylǵan. 2025 jyldyń qarashasynda Minsk qalalyq soty onyń barlyq arnalaryn jáne logotipterin ekstremistik material dep tanyǵan.
QMA azamattardy zańsyz oiyn biznesin jarnamalaýdan aýlaq bolýǵa shaqyryp, kúmándi jarnama týraly dereý «AFM Insider» Telegram-botyna habarlaýdy suraidy.
