Sýret: QR Úkimeti
Oblys ortalyqtaryndaǵy mobildi bailanys qyzmetteri nashar jerlerdi anyqtaý qajet. Bul týraly Premer-Ministr Oljas Bektenov aitty.
«Tsifrlandyrý salasyndaǵy kórsetkishterimiz jalpy jaman emes. Ásirese memlekettik jáne banktik elektrondyq qyzmetter kórsetý salasyn atap ótýge bolady. Biz aldaǵy ýaqytta da Qazaqstannyń jahandyq tsifrlyq álemniń belsendi qatysýshysy retinde qalyptasýy úshin sharalar qabyldaityn bolamyz. Ol úshin Kaspii teńiziniń túbimen jáne elimizdiń Batysynan Shyǵysyna deiin talshyqty-optikalyq marshrýtty júrgizý boiynsha iri jobalar iske asyrylýda. Bul iri Big Tech-kompaniialardy tartýǵa ári usynylatyn kontenttiń deńgeiin arttyrýǵa múmkindik beredi. Bul óz kezeginde tutastai alǵanda, elimizge mýltiplikativti áser etetin bolady», — dedi Oljas Bektenov.
Sondai-aq Úkimet basshysy 5G bailanysyn iske qosý sátti júzege asqanyn, qazirdiń ózinde ony elimizdiń 20 qalasynda 3 mln-ǵa jýyq adam paidalanatyndyǵyn aitty.
«Mundai jobalar usynylatyn bailanys qyzmetteriniń sapasyn arttyrýǵa múmkindik beredi. Sondyqtan bul jumys beiindi ministrliktiń erekshe baqylaýynda bolýǵa tiis. Osy rette kelesini atap ótkim keledi. Birinshi, Tsifrlyq damý ministrligi óńirlerdiń ákimdikterimen birlesip, bastapqy kezeńde úsh ai merzim ishinde oblys ortalyqtary boiynsha „aqtańdaqtardy“ anyqtaý boiynsha taldaý júrgizip, mobildi bailanys qyzmetteriniń sapasyn arttyrý boiynsha naqty is-qimyl josparyn ázirleý qajet. Sodan keiin osy jumysty barlyq eldi mekenderde júrgizý kerek bolady. Bul jumysta azamattardan túsetin ótinishterdi mindetti túrde eskerý qajet. Osynyń kómegimen óńirlerdegi „aqtańdaqtardy“ anyqtaýǵa bolady», — dedi Premer-Ministr.
Oljas Bektenov ekinshiden, bailanys operatorlarynyń litsenziialyq mindettemelerdi oryndaý máselesin júiege keltirý kerektigin basa aitty.
«Tsifrlyq damý ministrligi bailanys operatorlarymen birlesip, júktelgen mindettemelerge súiene otyryp, eki ai merzimde jańa 4G bazalyq stantsiialaryn ornatý, tirkelgen internettiń eski jabdyqtaryn aýystyrý josparyn bekitýi qajet. Úshinshiden, sý tasqyny jaǵdaiy kezeńinde birqatar óńirlerde elektrmen jabdyqtaý jáne bazalyq stantsiialardyń ajyratylý problemalaryna orai bailanys úzilgen bolatyn. Tsifrlyq damý ministrligi Ulttyq qaýipsizdik komitetimen birlesip, bir ai merzimde tótenshe jaǵdai kezeńinde spýtniktik bailanys júielerin paidalaný múmkindigi máselesin qarastyrýy kerek», — dedi Úkimet basshysy.
