سۋرەت: قر ٷكٸمەتٸ
وبلىس ورتالىقتارىنداعى موبيلدٸ بايلانىس قىزمەتتەرٸ ناشار جەرلەردٸ انىقتاۋ قاجەت. بۇل تۋرالى پرەمەر-مينيستر ولجاس بەكتەنوۆ ايتتى.
«تسيفرلاندىرۋ سالاسىنداعى كٶرسەتكٸشتەرٸمٸز جالپى جامان ەمەس. ەسٸرەسە مەملەكەتتٸك جەنە بانكتٸك ەلەكتروندىق قىزمەتتەر كٶرسەتۋ سالاسىن اتاپ ٶتۋگە بولادى. بٸز الداعى ۋاقىتتا دا قازاقستاننىڭ جاھاندىق تسيفرلىق ەلەمنٸڭ بەلسەندٸ قاتىسۋشىسى رەتٸندە قالىپتاسۋى ٷشٸن شارالار قابىلدايتىن بولامىز. ول ٷشٸن كاسپيي تەڭٸزٸنٸڭ تٷبٸمەن جەنە ەلٸمٸزدٸڭ باتىسىنان شىعىسىنا دەيٸن تالشىقتى-وپتيكالىق مارشرۋتتى جٷرگٸزۋ بويىنشا ٸرٸ جوبالار ٸسكە اسىرىلۋدا. بۇل ٸرٸ Big Tech-كومپانييالاردى تارتۋعا ەرٸ ۇسىنىلاتىن كونتەنتتٸڭ دەڭگەيٸن ارتتىرۋعا مٷمكٸندٸك بەرەدٸ. بۇل ٶز كەزەگٸندە تۇتاستاي العاندا, ەلٸمٸزگە مۋلتيپليكاتيۆتٸ ەسەر ەتەتٸن بولادى», — دەدٸ ولجاس بەكتەنوۆ.
سونداي-اق ٷكٸمەت باسشىسى 5G بايلانىسىن ٸسكە قوسۋ سەتتٸ جٷزەگە اسقانىن, قازٸردٸڭ ٶزٸندە ونى ەلٸمٸزدٸڭ 20 قالاسىندا 3 ملن-عا جۋىق ادام پايدالاناتىندىعىن ايتتى.
«مۇنداي جوبالار ۇسىنىلاتىن بايلانىس قىزمەتتەرٸنٸڭ ساپاسىن ارتتىرۋعا مٷمكٸندٸك بەرەدٸ. سوندىقتان بۇل جۇمىس بەيٸندٸ مينيسترلٸكتٸڭ ەرەكشە باقىلاۋىندا بولۋعا تيٸس. وسى رەتتە كەلەسٸنٸ اتاپ ٶتكٸم كەلەدٸ. بٸرٸنشٸ, تسيفرلىق دامۋ مينيسترلٸگٸ ٶڭٸرلەردٸڭ ەكٸمدٸكتەرٸمەن بٸرلەسٸپ, باستاپقى كەزەڭدە ٷش اي مەرزٸم ٸشٸندە وبلىس ورتالىقتارى بويىنشا „اقتاڭداقتاردى“ انىقتاۋ بويىنشا تالداۋ جٷرگٸزٸپ, موبيلدٸ بايلانىس قىزمەتتەرٸنٸڭ ساپاسىن ارتتىرۋ بويىنشا ناقتى ٸس-قيمىل جوسپارىن ەزٸرلەۋ قاجەت. سودان كەيٸن وسى جۇمىستى بارلىق ەلدٸ مەكەندەردە جٷرگٸزۋ كەرەك بولادى. بۇل جۇمىستا ازاماتتاردان تٷسەتٸن ٶتٸنٸشتەردٸ مٸندەتتٸ تٷردە ەسكەرۋ قاجەت. وسىنىڭ كٶمەگٸمەن ٶڭٸرلەردەگٸ „اقتاڭداقتاردى“ انىقتاۋعا بولادى», — دەدٸ پرەمەر-مينيستر.
ولجاس بەكتەنوۆ ەكٸنشٸدەن, بايلانىس وپەراتورلارىنىڭ ليتسەنزييالىق مٸندەتتەمەلەردٸ ورىنداۋ مەسەلەسٸن جٷيەگە كەلتٸرۋ كەرەكتٸگٸن باسا ايتتى.
«تسيفرلىق دامۋ مينيسترلٸگٸ بايلانىس وپەراتورلارىمەن بٸرلەسٸپ, جٷكتەلگەن مٸندەتتەمەلەرگە سٷيەنە وتىرىپ, ەكٸ اي مەرزٸمدە جاڭا 4G بازالىق ستانتسييالارىن ورناتۋ, تٸركەلگەن ينتەرنەتتٸڭ ەسكٸ جابدىقتارىن اۋىستىرۋ جوسپارىن بەكٸتۋٸ قاجەت. ٷشٸنشٸدەن, سۋ تاسقىنى جاعدايى كەزەڭٸندە بٸرقاتار ٶڭٸرلەردە ەلەكترمەن جابدىقتاۋ جەنە بازالىق ستانتسييالاردىڭ اجىراتىلۋ پروبلەمالارىنا وراي بايلانىس ٷزٸلگەن بولاتىن. تسيفرلىق دامۋ مينيسترلٸگٸ ۇلتتىق قاۋٸپسٸزدٸك كوميتەتٸمەن بٸرلەسٸپ, بٸر اي مەرزٸمدە تٶتەنشە جاعداي كەزەڭٸندە سپۋتنيكتٸك بايلانىس جٷيەلەرٸن پايدالانۋ مٷمكٸندٸگٸ مەسەلەسٸن قاراستىرۋى كەرەك», — دەدٸ ٷكٸمەت باسشىسى.
