Almatyda ótken onlain brifing barysynda qalanyń bas memlekettik sanitar dárigeri Jandarbek Bekshin júrgizilip jatqan epidemiologiialyq tekserýdiń aralyq qorytyndysyn aitty, dep habarlaidy QazAqparat.
Qalanyń bas sanitar dárigeri meditsina qyzmetkerleriniń jappai virýs juqtyrýyna bailanysty epidemiologiialyq tekserý áli aiaqtalmaǵanyn aitty.
«Bul jerde aýrýhananyń infektsiialyq aýrýlardy emdeýge ruqsaty bolmasa da, em júrgizgeni anyqtaldy. Eń birinshi juqtyrǵan adamdy da taptyq. Infektsiia eń birinshi diagnostikalyq bólimnen taraǵan dep tuspaldap otyrmyz. Eń birinshi aýyrǵan adamdar osy jaqtan shyqqan. Osy jerge kt, ýzd jasaýǵa kelgen adamnan onyń qasynda júrgen medbikege juqqan. Ol patsienttiń otbasyndaǵy 13 adam túgel tekserildi. Olardyń nátijesi virýs juqtyrǵanyn rastamady», - dedi Jandarbek Bekshin.
Onyń aitýynsha, bul aýrýhanada koronavirýs juqtyrǵan naýqastar oqshaýlanǵan. Memlekettik mekemelerge habarlamastan qabyldaý bóliminde pnevmoniiaǵa shaldyqqan 5 tósek orynnan artyq izoliator ashylǵan.
«Bul aýrýhana infektsiialyq naýqastardy emdegen. Bul qyzmetke ruqsaty bolmasa da. Qabyldaý bóliminde naýqastardy oqshaýlaǵan. Beinekameradaǵy kadrlarǵa sensek, qyzmetkerler aýrýhananyń ishinde qorǵanys quraldarynsyz emin-erkin aralap júrgen. Bunyń barlyǵy jappai juqtyrýǵa ákeledi. Qazir bólimderdiń barlyǵy jekelendi. Endi osydan keiin juqtyrý kórsetkishi túsedi degen oidamyz», - dedi J.Bekshin.
Aita ketý kerek, 2020 jylǵy 18 sáýirde Jandarbek Bekshin Almaty qalasynyń bas sanitar dárigeri qyzmetine taǵaiyndalǵan bolatyn.
