الماتىدا ٶتكەن ونلاين بريفينگ بارىسىندا قالانىڭ باس مەملەكەتتٸك سانيتار دەرٸگەرٸ جانداربەك بەكشين جٷرگٸزٸلٸپ جاتقان ەپيدەميولوگييالىق تەكسەرۋدٸڭ ارالىق قورىتىندىسىن ايتتى, دەپ حابارلايدى قازاقپارات.
قالانىڭ باس سانيتار دەرٸگەرٸ مەديتسينا قىزمەتكەرلەرٸنٸڭ جاپپاي ۆيرۋس جۇقتىرۋىنا بايلانىستى ەپيدەميولوگييالىق تەكسەرۋ ەلٸ اياقتالماعانىن ايتتى.
«بۇل جەردە اۋرۋحانانىڭ ينفەكتسييالىق اۋرۋلاردى ەمدەۋگە رۇقساتى بولماسا دا, ەم جٷرگٸزگەنٸ انىقتالدى. ەڭ بٸرٸنشٸ جۇقتىرعان ادامدى دا تاپتىق. ينفەكتسييا ەڭ بٸرٸنشٸ دياگنوستيكالىق بٶلٸمنەن تاراعان دەپ تۇسپالداپ وتىرمىز. ەڭ بٸرٸنشٸ اۋىرعان ادامدار وسى جاقتان شىققان. وسى جەرگە كت, ۋزد جاساۋعا كەلگەن ادامنان ونىڭ قاسىندا جٷرگەن مەدبيكەگە جۇققان. ول پاتسيەنتتٸڭ وتباسىنداعى 13 ادام تٷگەل تەكسەرٸلدٸ. ولاردىڭ نەتيجەسٸ ۆيرۋس جۇقتىرعانىن راستامادى», - دەدٸ جانداربەك بەكشين.
ونىڭ ايتۋىنشا, بۇل اۋرۋحانادا كوروناۆيرۋس جۇقتىرعان ناۋقاستار وقشاۋلانعان. مەملەكەتتٸك مەكەمەلەرگە حابارلاماستان قابىلداۋ بٶلٸمٸندە پنەۆمونيياعا شالدىققان 5 تٶسەك ورىننان ارتىق يزولياتور اشىلعان.
«بۇل اۋرۋحانا ينفەكتسييالىق ناۋقاستاردى ەمدەگەن. بۇل قىزمەتكە رۇقساتى بولماسا دا. قابىلداۋ بٶلٸمٸندە ناۋقاستاردى وقشاۋلاعان. بەينەكامەراداعى كادرلارعا سەنسەك, قىزمەتكەرلەر اۋرۋحانانىڭ ٸشٸندە قورعانىس قۇرالدارىنسىز ەمٸن-ەركٸن ارالاپ جٷرگەن. بۇنىڭ بارلىعى جاپپاي جۇقتىرۋعا ەكەلەدٸ. قازٸر بٶلٸمدەردٸڭ بارلىعى جەكەلەندٸ. ەندٸ وسىدان كەيٸن جۇقتىرۋ كٶرسەتكٸشٸ تٷسەدٸ دەگەن ويدامىز», - دەدٸ ج.بەكشين.
ايتا كەتۋ كەرەك, 2020 جىلعى 18 سەۋٸردە جانداربەك بەكشين الماتى قالاسىنىڭ باس سانيتار دەرٸگەرٸ قىزمەتٸنە تاعايىندالعان بولاتىن.
