Almatynyń bas sanitarlyq dárigeri Jandarbek Bekshin «Ritz Carlton» qonaqúiinde 150 adamǵa arnalǵan is-sharaǵa ne úshin ruqsat bergenin túsindirdi, dep habarlaidy "Ult aqparat".
Onyń aitýynsha, ruqsat banketke emes, personaldy oqytýǵa berilgen.
«Olar qazir uzaq ýaqyt úzilisten soń qyzmetkerlerdi qaitadan jinap jatyr. Sportshylarǵa qurmet kórsetý sharasy birinshi qabatta 1 ret qana ótýi tiis bolatyn. Alaida, bólim basshysynyń kórsetken aqparatynda birrettik shara ekendigi kórsetilmegen», - dedi Bekshin.
Bas sanitarlyq dárigerdiń sózinshe, monitoringilik toptar quqyqbuzýshylyq týraly habarlamaǵan.
«Ol jerde qansha adam bolǵany da belgisiz. Bireýler 40 adam dese, bireýler 60 adam deidi. Bul qonaqúide joǵarǵy qabatta keń kólemde banket ótkizetin bólmeler joq. Qonaqúi basshylyǵy óte aýqymdy zararsyzdandyrý sharalaryn júrgizdi. Aýany retsirkkýliatorly tazartý júiesin ornatyp, aýa almasý júiesin jaqsartty. Bakteritsidti lampalar qoiyldy. Osy qaýipsizdik sharalaryna 1 mln dollarǵa jýyq qarajat ketken. Sol úshin biz bul sharaǵa ruqsat berdik. 900 oryndyq zalǵa tek 150 adamǵa ruqsat ettik», - dedi Bekshin.
