QR IIM Tótenshe jaǵdailar komitetiniń tóraǵasy Vladimir Bekker batýttardyń qaýipsizdigin baqylaý máselesi qalai rettelip jatqanyn aityp berdi, dep habarlaidy "Ult aqparat".
«Batýttarǵa qatysty baqylaý bastalady (ulttyq standart boiynsha 1 shildeden bastap). Biraq, qazirdiń ózinde baqylaý joq deýge kelmes. Barlyǵy da nusqaýda jazylǵan. Máselen, siz dúkennen kez kelgen turmystyq qurylǵyny satyp alsańyz, qorapshasynyń ishinde ony qalai paidalaný kerektigi týraly nusqaýlyǵy jatady. Ol nusqaýlyqtyń alǵashqy sóileminde «osyny oqymai qurylǵyny paidalanbańyz» delingen. Batýttarda da sondai. Ekinshi másele, eger batýt jumys istep tursa, ol sertifikattalyp, qaýipsizdik sharttaryna sai kelýi tiis. Qaraǵandydaǵy jaǵdaida sertifikat boldy ma? Muny tergeý anyqtaidy. Biraq, meniń oiymsha, adamdar bir-birinen satyp ala beretindikten, atalmysh batýttyń qujaty joq bolýy múmkin», - dedi komitet tóraǵasy IIM-de ótken baspasóz máslihatynda.
Vladimir Bekker batýttarǵa qatysty rolikterdi YouTube jelisinen arnaiy kórgenin aitady.
«Óndirýshi baǵa, bilet qansha bolýy kerektigi jaily barlyǵyn aityp beredi. Biraq, shyntýaitynda tehnikalyq talaptardan bólek, onda bekitý erejeleri, paidalaný sharttary da bolýy tiis. Bir batýtta 3 jastaǵy jáne 15 jastaǵy bala bir ýaqytta sekirip júrmeýi kerek. Iaǵni, jas boiynsha, salmaq boiynsha sanattar bolýy tiis. Oilap qarasańyz, 60 kelilik bala batýtqa sekirip qalsa, 10 kelilik bala syrtqa ushyp ketýi múmkin», - dedi ol.
Sonymen qatar, komitet tóraǵasy «Ata-analarǵa balalardy batýtqa aparýǵa keńes berer me edińiz?» degen suraqqa jaýap berdi.
«Menińshe, aparmai toqtata turý kerek. Buǵan deiin aitqanymdai, bizde syrttai qalypty kórinetin jaǵdailar barshylyq. Barlyq ata-anaǵa jaǵdaiǵa, qaýip deńgeiine, aýa raiy men batýttyń jaǵdaiyna baǵa bergen durys der edim. Aqsha úshin ǵana qoiyldy ma, tehnikalyq personaly tolyq pa, bir jaǵdai bolyp qalsa, kómek ýaqytynda kele me - bárine baǵa berilýi tiis. Qurylǵy qalai ornatylǵanyn kórý kerek», - dedi ol.
Aita ketsek, Qazaqstanda balalar attraktsiondarynyń jumysyn retteý erejesi ázirlenip jatqanyn Vladimir Bekker buǵan deiin aitqan bolatyn.
