قر ٸٸم تٶتەنشە جاعدايلار كوميتەتٸنٸڭ تٶراعاسى ۆلاديمير بەككەر باتۋتتاردىڭ قاۋٸپسٸزدٸگٸن باقىلاۋ مەسەلەسٸ قالاي رەتتەلٸپ جاتقانىن ايتىپ بەردٸ, دەپ حابارلايدى "ۇلت اقپارات".
«باتۋتتارعا قاتىستى باقىلاۋ باستالادى (ۇلتتىق ستاندارت بويىنشا 1 شٸلدەدەن باستاپ). بٸراق, قازٸردٸڭ ٶزٸندە باقىلاۋ جوق دەۋگە كەلمەس. بارلىعى دا نۇسقاۋدا جازىلعان. مەسەلەن, سٸز دٷكەننەن كەز كەلگەن تۇرمىستىق قۇرىلعىنى ساتىپ الساڭىز, قوراپشاسىنىڭ ٸشٸندە ونى قالاي پايدالانۋ كەرەكتٸگٸ تۋرالى نۇسقاۋلىعى جاتادى. ول نۇسقاۋلىقتىڭ العاشقى سٶيلەمٸندە «وسىنى وقىماي قۇرىلعىنى پايدالانباڭىز» دەلٸنگەن. باتۋتتاردا دا سونداي. ەكٸنشٸ مەسەلە, ەگەر باتۋت جۇمىس ٸستەپ تۇرسا, ول سەرتيفيكاتتالىپ, قاۋٸپسٸزدٸك شارتتارىنا ساي كەلۋٸ تيٸس. قاراعاندىداعى جاعدايدا سەرتيفيكات بولدى ما? مۇنى تەرگەۋ انىقتايدى. بٸراق, مەنٸڭ ويىمشا, ادامدار بٸر-بٸرٸنەن ساتىپ الا بەرەتٸندٸكتەن, اتالمىش باتۋتتىڭ قۇجاتى جوق بولۋى مٷمكٸن», - دەدٸ كوميتەت تٶراعاسى ٸٸم-دە ٶتكەن باسپاسٶز مەسليحاتىندا.
ۆلاديمير بەككەر باتۋتتارعا قاتىستى روليكتەردٸ YouTube جەلٸسٸنەن ارنايى كٶرگەنٸن ايتادى.
«ٶندٸرۋشٸ باعا, بيلەت قانشا بولۋى كەرەكتٸگٸ جايلى بارلىعىن ايتىپ بەرەدٸ. بٸراق, شىنتۋايتىندا تەحنيكالىق تالاپتاردان بٶلەك, وندا بەكٸتۋ ەرەجەلەرٸ, پايدالانۋ شارتتارى دا بولۋى تيٸس. بٸر باتۋتتا 3 جاستاعى جەنە 15 جاستاعى بالا بٸر ۋاقىتتا سەكٸرٸپ جٷرمەۋٸ كەرەك. ياعني, جاس بويىنشا, سالماق بويىنشا ساناتتار بولۋى تيٸس. ويلاپ قاراساڭىز, 60 كەلٸلٸك بالا باتۋتقا سەكٸرٸپ قالسا, 10 كەلٸلٸك بالا سىرتقا ۇشىپ كەتۋٸ مٷمكٸن», - دەدٸ ول.
سونىمەن قاتار, كوميتەت تٶراعاسى «اتا-انالارعا بالالاردى باتۋتقا اپارۋعا كەڭەس بەرەر مە ەدٸڭٸز?» دەگەن سۇراققا جاۋاپ بەردٸ.
«مەنٸڭشە, اپارماي توقتاتا تۇرۋ كەرەك. بۇعان دەيٸن ايتقانىمداي, بٸزدە سىرتتاي قالىپتى كٶرٸنەتٸن جاعدايلار بارشىلىق. بارلىق اتا-اناعا جاعدايعا, قاۋٸپ دەڭگەيٸنە, اۋا رايى مەن باتۋتتىڭ جاعدايىنا باعا بەرگەن دۇرىس دەر ەدٸم. اقشا ٷشٸن عانا قويىلدى ما, تەحنيكالىق پەرسونالى تولىق پا, بٸر جاعداي بولىپ قالسا, كٶمەك ۋاقىتىندا كەلە مە - بەرٸنە باعا بەرٸلۋٸ تيٸس. قۇرىلعى قالاي ورناتىلعانىن كٶرۋ كەرەك», - دەدٸ ول.
ايتا كەتسەك, قازاقستاندا بالالار اتتراكتسيوندارىنىڭ جۇمىسىن رەتتەۋ ەرەجەسٸ ەزٸرلەنٸپ جاتقانىن ۆلاديمير بەككەر بۇعان دەيٸن ايتقان بولاتىن.
