Elordada «Qazaqstan Respýblikasynyń Konstitýtsiiasy - qoǵam men memleketti áleýmettik modernizatsiialaýdyń irgeli negizi» taqyrybynda halyqaralyq ǵylymi-praktikalyq onlain-konferentsiia bastaldy, dep habarlaidy QazAqparat.
«30 tamyz – bizdiń elimiz úshin aitýly mereke. Konstitýtsiia memleket, qoǵam jáne jeke tulǵanyń ómir súrýi men ózara is-qimylynyń negizin quraityn, ústemdik pen negizgi rólge ie ámbebap quqyqtyq akt bolyp sanalady. Elimizde júrgizilgen konstitýtsiialyq reformalar qoǵamdy demokratiialandyrýdy odan ári nyǵaitý, demokratiia negizderin, Parlamenttiń rólin kúsheitý jáne Úkimettiń derbestigin arttyrý týraly negizgi qoǵamdyq suranystardy eskerdi», - deidi QR Ádilet ministri Marat Beketaev.
Onyń aitýynsha, Konstitýtsiialyq qundylyqtardy bekitýdegi mańyzdy kezeń – QR Tuńǵysh Prezidenti - Elbasy Nursultan Nazarbaev bastaǵan konstitýtsiialyq reforma boldy.
«Prezident, Parlament jáne Úkimet arasyndaǵy ókilettikterdi qaita bólý jáne adam quqyǵyn qorǵaýdaǵy konstitýtsiialyq baqylaý fýnktsiialaryn kúsheitý arqyly Konstitýtsiia qoǵamnyń konstitýtsiialyq qurylymy men saiasi júiesindegi sapaly ózgeristerdi kórsetti. Konstitýtsiianyń normalaryna súiene otyryp, el basshylyǵynyń strategiialyq durys saiasatynyń nátijesinde respýblika aitarlyqtai saiasi, ekonomikalyq jáne áleýmettik progreske qol jetkizgenin atap ótý mańyzdy», - deidi ol.
