Beket ata meshitine bara jatqan úsh adam joǵalyp ketti. Joǵalǵandarmen sońǵy bailanys 2 shilde kúni bolǵan, dep habarlaidy ult.kz dalanews.kz saityna siltep.
Áleýmettik jelide joǵalǵan adamdar týraly jazbany olardyń týysy jariialap, izdeý salynǵan azamattardyń qaida ekeni týraly qandai da bir aqparat biletinderden habarlasýdy surady.
Keiin Aqtaý qalasy politsiia basqarmasynyń kriminaldyq politsiia bólimi Beket ata meshiti baǵytyna jolǵa shyqqannan keiin bailanysqa shyqpai qalǵan úsh azamatqa izdeý jariialady.
Politsiia málimetinshe, 2026 jylǵy 2 shilde kúni shamamen saǵat 16:15-te Great Wall markaly kólikpen, memlekettik nómiri 010 FZA 12, Beket ata meshiti baǵytyna myna azamattar jolǵa shyqqan:
Jubatqanov Qanatbek Keńesbaiuly, 1991 jylǵy 16 tamyzda týǵan;
Bisenova Aqmaral Raimberdiqyzy, 1995 jylǵy 6 aqpanda týǵan;
Bisenova Marhabat Raimberdiqyzy, 2005 jylǵy 13 shildede týǵan.
Quqyq qorǵaý organdarynyń málimetinshe, joǵalǵandarmen sońǵy bailanys sol kúni bolǵan. Olar WhatsApp messendjeri arqyly Beket ata meshitiniń aýmaǵynan video jibergen. Osydan keiin bailanysqa shyqpai qalǵan. Sodan beri olardyń qaida ekeni belgisiz.
Qazirgi ýaqytta kriminaldyq politsiia qyzmetkerleri jedel-izdestirý sharalaryn júrgizip jatyr. Politsiianyń jeke quramy, ýchaskelik inspektorlar jáne qoǵam ókilderi joǵalǵan azamattardy izdeýge jáne olardyń bolýy múmkin oryndaryn tekserýge jumyldyryldy.
Politsiia óńir turǵyndaryn muqiiat bolýǵa shaqyrady. Eger izdeýdegi azamattardyń qaida ekeni týraly qandai da bir aqparat bilseńiz nemese tergeýge kómektesetin málimetińiz bolsa, Aqtaý qalasy politsiia basqarmasynyń kriminaldyq politsiia bólimine dereý habarlaý qajet.
Bailanys telefondary: 102, 8 (775) 421-94-96, 8 (775) 509-87-97.
Kez kelgen aqparat, tipti eleýsiz bolyp kórinse de, joǵalǵandardyń mekenjaiyn anyqtaýǵa jáne olardy tezirek tabýǵa kómektesýi múmkin.
