Májilis depýtaty, Ulttyq sport túrleri qaýymdastyǵynyń prezidenti Bekbolat Tileýhan asyl tuqymdy jylqylarynyń baǵasyn aitty, dep habarlaidy Sputnik Qazaqstan.
"Asyl tuqymdy qymbat jylqylar ustaidy ekensiz. Olar syilyq pa, álde ózińiz satyp alasyz ba? Qorańyzdaǵy eń qymbat jylqynyń quny qansha?", - dep surady jýrnalist ortalyq kommýnikatsiialar qyzmetinde "Báige túrleri boiynsha Elbasy kýbogyna respýblikalyq týrnir ótkizý týraly" baspasóz máslihatynda.
"Asyl tuqymdy jylqylarym bar. Laýlat deitin qostanai aiǵyry bar. 900 myń teńgege satyp aldym. Odan keiin Salkúreń deitin atym bar, ol da qostanai jylqysynyń tuqymy. Óte tózimdi at, ony 550 myń teńgege aldym. Sosyn Sheshenstandaǵy tanys baýyrlarym aǵylshyn tuqymdas jylqy syilady. Ol da keleshekte báigege qosylady. Meniń estýimshe, quny 8 myń eýronyń mańaiynda (qazirgi baǵam boiynsha 4 million teńge shamasynda – Sputnik). Biraq ana jaqtaǵy baýyrlarym qazaqtyń ulttyq sportyna, jeke óz basyma qurmet kórsetip, syiǵa tartty", - dedi Tileýhan.
Aldyńǵy jyly Baqtory deitin at boldy. Qunyn bilmeimin. Ony da Nurbol Bolatuly syilaǵan bolatyn, dep tolyqtyrdy depýtat.
Sonymen qatar, aitýynsha, jai minis, ańǵa shyqqanda minetin attary bar.
"Olar endi qymbat at dep aita almaimyn. Jalpy bas-aiaǵy mende miniske 6 at bar", - dedi ol.
