مەجٸلٸس دەپۋتاتى, ۇلتتىق سپورت تٷرلەرٸ قاۋىمداستىعىنىڭ پرەزيدەنتٸ بەكبولات تٸلەۋحان اسىل تۇقىمدى جىلقىلارىنىڭ باعاسىن ايتتى, دەپ حابارلايدى Sputnik قازاقستان.
"اسىل تۇقىمدى قىمبات جىلقىلار ۇستايدى ەكەنسٸز. ولار سىيلىق پا, ەلدە ٶزٸڭٸز ساتىپ الاسىز با? قوراڭىزداعى ەڭ قىمبات جىلقىنىڭ قۇنى قانشا?", - دەپ سۇرادى جۋرناليست ورتالىق كوممۋنيكاتسييالار قىزمەتٸندە "بەيگە تٷرلەرٸ بويىنشا ەلباسى كۋبوگىنا رەسپۋبليكالىق تۋرنير ٶتكٸزۋ تۋرالى" باسپاسٶز مەسليحاتىندا.
"اسىل تۇقىمدى جىلقىلارىم بار. لاۋلات دەيتٸن قوستاناي ايعىرى بار. 900 مىڭ تەڭگەگە ساتىپ الدىم. ودان كەيٸن سالكٷرەڭ دەيتٸن اتىم بار, ول دا قوستاناي جىلقىسىنىڭ تۇقىمى. ٶتە تٶزٸمدٸ ات, ونى 550 مىڭ تەڭگەگە الدىم. سوسىن شەشەنستانداعى تانىس باۋىرلارىم اعىلشىن تۇقىمداس جىلقى سىيلادى. ول دا كەلەشەكتە بەيگەگە قوسىلادى. مەنٸڭ ەستۋٸمشە, قۇنى 8 مىڭ ەۋرونىڭ ماڭايىندا (قازٸرگٸ باعام بويىنشا 4 ميلليون تەڭگە شاماسىندا – Sputnik). بٸراق انا جاقتاعى باۋىرلارىم قازاقتىڭ ۇلتتىق سپورتىنا, جەكە ٶز باسىما قۇرمەت كٶرسەتٸپ, سىيعا تارتتى", - دەدٸ تٸلەۋحان.
الدىڭعى جىلى باقتورى دەيتٸن ات بولدى. قۇنىن بٸلمەيمٸن. ونى دا نۇربول بولاتۇلى سىيلاعان بولاتىن, دەپ تولىقتىردى دەپۋتات.
سونىمەن قاتار, ايتۋىنشا, جاي مٸنٸس, اڭعا شىققاندا مٸنەتٸن اتتارى بار.
"ولار ەندٸ قىمبات ات دەپ ايتا المايمىن. جالپى باس-اياعى مەندە مٸنٸسكە 6 ات بار", - دەدٸ ول.
