QR Parlamenti Májilisiniń depýtaty Bekbolat Tileýhan Premer-ministr Baqytjan Saǵyntaevtan oralmandarǵa Qazaqstan azamattyǵyn alý tártibin zań júzinde jeńildetýdi surady, dep habarlaidy Baq.kz agenttigi.
«Partiia jetekshisi Elbasynyń tarihi orny, saiasi tulǵasyn somdai túsetin erekshe qadamdarynyń biri – atajurtqa qandastardy qaitarýy. «Biz tyǵyryqty tar zamanda tarydai shashylyp ketken qandastardy atamekenge jinaǵan álemdegi úsh eldiń birimiz» degen bolatyn Elbasymyz. Sonymen Elbasynyń pármenimen atajurtqa aǵaiyn aǵyldy, milliondai qazaq qara shańyraǵyna qaiyryldy. Tarihi otanyna birjola kóship kelgen azamattardyń sany kúnnen-kúnge ósýde», - dedi depýtat.
Bekbolat Tileýhan oralmandarydyń Qazaqstan azamattyǵyn alýda keibir máseleler baryn atap ótti.
«Shetelden erterekte kóship kelip, Qazaqstan azamattyǵyn alý úshin eń aldymen oralman kýáligin alyp, ári qarai turaqty tirkeletin úi taba almai, úi tabylsa bir kezdegi yqtiiar hat jáne azamattyq alýǵa kerekti qisyny bar, qisynsyz qujattarmen sonymen qosa zorǵa alatyn anyqtamalardyń bárin jinap bolǵansha bar bolǵany bir jylǵa beriletin oralman kýáliginiń merzimi ótip ketkendikten olar azamattyqqa qabyldanbai qalyp otyr», - dedi QR Parlamenti Májilisiniń depýtaty.
Májilismen mundai qandastardyń sany qazir 7000-ǵa jýyqtap qalǵanyn aity.
«Sondyqtan qadirli Premer-ministr myrza, siz de oralman kýáliginiń merzimi ótip ketken qandastarymyzǵa eń bolmasa bir rettik jáne keminde jarty jylǵa osyndai merzimge amnistiia jariialap, olardyń Qazaqstan azamattyǵyn alýyna múmkindik berýdi ótinemiz. Sondai-aq azamattyq alý tártibi zańnama júzinde barynsha jeńildetilse deimiz. Alystan kelgen aǵaiynnyń bir jyldyń ishinde azamattyqty alyp úlgermeýi sebepterine jaqsylap saraptama jasap, anyqtap osy máseleni túpkilikti sheshýge shara qoldanýyńyzdy suraimyz», - dedi Bekbolat Tileýhan.
