Búgin Almaty qalasynyń Túrksib aýdandyq sotynda Tutynýshylardyń quqyqtaryn qorǵaý komitetiniń «Bek Eir» AQ-nyń áýe kompaniiasynyń jolaýshylaryna kúshi joiylǵan reisterdiń aqshalai qarajatty qaitarý jónindegi talap aryzy boiynsha beinekonferents bailanys rejiminde birinshi sot otyrysy ótkizildi, dep habarlaidy "Ult aqparat".
QR Saýda jáne integratsiia ministrligi baspasóz qyzmetiniń málimetinshe, 22 sáýirdegi jaǵdai boiynsha komitet 560 qazaqstandyq - «Bek Eir» AQ-nyń klientteriniń múddesin qorǵaidy.
«Olar 37 mln teńgeden astam somaǵa 1 070 bilet satyp alǵan. Tutynýshylardyń ótinishteri komitetke kún saiyn túsedi. Sondyqtan komitet talap aryzdy sot sheshimi shyǵarylǵanǵa deiin kelip túsken aryzdarmen tolyqtyratyn bolady», delingen habarlamada.
Sot otyrysy barysynda «Bek Eir» AQ-nyń ókili áýekompaniia klientterine aqsha qaitarý protsesin bastaǵanyn habarlady.
Onyń aitýynsha, áýekompaniia 300 mln teńgege jýyq qarjy qaitarǵan. Qarajatty qaitarý úshin tutynýshy aviakompaniiaǵa baryp, bilettiń alynǵanyn rastaityn qujattardy usynýy qajet.
Kelesi sot otyrysy 2020 jyldyń 13 mamyrynda ótpek.
