«Bek Air» halyqaralyq ushýlarǵa sertifikat alý úshin memlekettik organdarǵa qysym jasaýǵa tyrysqan. Bul týraly búgin QR Premer-Ministriniń orynbasary Roman Skliar aitty, dep habarlaidy "Ult aqparat".
«Bek Air» osy jyldar ishinde lobbisterdiń qatysýymen túrli deńgeide halyqaralyq áýe reisterin oryndaý úshin IOSA sertifikatyn alyp tastaýǵa tyrysty. Biraq mundai qysymǵa qaramastan ministrlik oǵan barǵan joq», - dedi ol Úkimet otyrysynan keiin BAQ ókilderine bergen suhbatynda.
Onyń atap ótýinshe, halyqaralyq tasymaldy júzege asyratyn barlyq qazaqstandyq kompaniia IOSA sertifikatyn alǵan.
«Ishki tasymalǵa da onyń talaptary qajet bolatyn. Alaida ózderińiz de bilesizder, 2016 jyly BAQ-ta úlken naýqan bolyp, keibir jýrnalister men depýtattar kompaniiany qoldap shyqty. Múmkin olardiki de durys shyǵar. Ishki baǵdarlardyń qosymsha talaptarǵa sai bolýy kerek te emes shyǵar. Sol kezde ókiletti memlekettik organ - Indýstriia ministrligi Azamattyq aviatsiia komiteti «IOSA talaptary ishki de, syrtqy da tasymalǵa qajet» delingen qaýly shyǵardy. Bul jerde belgili bir qaita saqtandyrý elementteri, iaǵni, qosymsha talaptar bar», - dedi Roman Skliar.
Vitse-premerdiń aitýynsha, aviatsiiada qaýipsizdikti qoldaý úshin basy artyq qosymsha talaptar múldem bolmaidy.
«Degenmen Tabiǵi monopoliialardy retteý jáne básekelestikti qorǵaý komiteti bul kásipkerlerdiń quqyǵyn buzý degen uiǵarym shyǵaryp, ministrlik ishki reister úshin bul talapty alyp tastady», - dep túsindirdi Roman Skliar.
