«Bek Air» حالىقارالىق ۇشۋلارعا سەرتيفيكات الۋ ٷشٸن مەملەكەتتٸك ورگاندارعا قىسىم جاساۋعا تىرىسقان. بۇل تۋرالى بٷگٸن قر پرەمەر-مينيسترٸنٸڭ ورىنباسارى رومان سكليار ايتتى, دەپ حابارلايدى "ۇلت اقپارات".
«Bek Air» وسى جىلدار ٸشٸندە لوببيستەردٸڭ قاتىسۋىمەن تٷرلٸ دەڭگەيدە حالىقارالىق ەۋە رەيستەرٸن ورىنداۋ ٷشٸن IOSA سەرتيفيكاتىن الىپ تاستاۋعا تىرىستى. بٸراق مۇنداي قىسىمعا قاراماستان مينيسترلٸك وعان بارعان جوق», - دەدٸ ول ٷكٸمەت وتىرىسىنان كەيٸن باق ٶكٸلدەرٸنە بەرگەن سۇحباتىندا.
ونىڭ اتاپ ٶتۋٸنشە, حالىقارالىق تاسىمالدى جٷزەگە اسىراتىن بارلىق قازاقستاندىق كومپانييا IOSA سەرتيفيكاتىن العان.
«ٸشكٸ تاسىمالعا دا ونىڭ تالاپتارى قاجەت بولاتىن. الايدا ٶزدەرٸڭٸز دە بٸلەسٸزدەر, 2016 جىلى باق-تا ٷلكەن ناۋقان بولىپ, كەيبٸر جۋرناليستەر مەن دەپۋتاتتار كومپانييانى قولداپ شىقتى. مٷمكٸن ولاردٸكٸ دە دۇرىس شىعار. ٸشكٸ باعدارلاردىڭ قوسىمشا تالاپتارعا ساي بولۋى كەرەك تە ەمەس شىعار. سول كەزدە ٶكٸلەتتٸ مەملەكەتتٸك ورگان - يندۋسترييا مينيسترلٸگٸ ازاماتتىق اۆياتسييا كوميتەتٸ «IOSA تالاپتارى ٸشكٸ دە, سىرتقى دا تاسىمالعا قاجەت» دەلٸنگەن قاۋلى شىعاردى. بۇل جەردە بەلگٸلٸ بٸر قايتا ساقتاندىرۋ ەلەمەنتتەرٸ, ياعني, قوسىمشا تالاپتار بار», - دەدٸ رومان سكليار.
ۆيتسە-پرەمەردٸڭ ايتۋىنشا, اۆياتسييادا قاۋٸپسٸزدٸكتٸ قولداۋ ٷشٸن باسى ارتىق قوسىمشا تالاپتار مٷلدەم بولمايدى.
«دەگەنمەن تابيعي مونوپولييالاردى رەتتەۋ جەنە بەسەكەلەستٸكتٸ قورعاۋ كوميتەتٸ بۇل كەسٸپكەرلەردٸڭ قۇقىعىن بۇزۋ دەگەن ۇيعارىم شىعارىپ, مينيسترلٸك ٸشكٸ رەيستەر ٷشٸن بۇل تالاپتى الىپ تاستادى», - دەپ تٷسٸندٸردٸ رومان سكليار.
