Qazaqstan Respýblikasy Saýda jəne integratsiia ministrligi Tutynýshylardyń quqyqtaryn qorǵaý komitetiniń qyzmetkerleri Bek Air kompaniiasy əli kúnge deiin qarajatyn qaitarmai júrgen azamattardyń múddelerin qorǵaý jumystaryn jalǵastyrýda.
Bul týraly QR Saýda jáne integratsiia ministrliginiń Tutynýshylardyń quqyqtaryn qorǵaý komiteti habarlaidy.
Resmi saittaǵy málimetterge qaraǵanda, qazirgi ýaqytta Almaty qalasy Túrksib aýdandyq soty Tutynýshylardyń quqyqtaryn qorǵaý komitetiniń atynan 3 talap aryzdy qarap jatyr.
Talap aryzdarda Komitet 30 million teńgeden astamǵa 845 bilet satyp alǵan 482 adamnyń múddesin qorǵaidy. 2020 jyldyń 2 qazanynda sot otyrysy barysynda sot jaýap berýshiden jazbasha dəleldemeler suraý, prokýrordy, «Qazaqstannyń aviatsiia əkimshiligi» AQ ýəkiletti uiymyn, bilet agentterin, sondai-aq Komitet múddeleri bildiretin azamattardy sessiiaǵa qatysý úshin tartý týraly Komitettiń ótinishterin qarady.
«Bul ótinishter isti jan-jaqty jəne obektivti qaraý úshin usynylady. Alaida sot Komitettiń ótinishin qabyldamady. Sonymen birge, bólim tutynýshylarǵa qarajatty qaitarý úshin zańnamalyq sheńberde barlyq qajetti sharalardy qoldanýdy jalǵastyrady.
Kelesi sot otyrysy 2020 jylǵy 13 qazanda saǵat 15:00-de ótedi», - delingen habarlamada.
