Foto: ashyq derekkóz
Qazaqstandaǵy iri bailanys operatorlary Beeline men Tele2 2025 jyldyń sońyna qarai tarif baǵasyn kóteretinin málimdedi, dep habarlaidy Ult.kz Qaz365.kz saityna silteme jasap.
Alǵashqy kezeń 2025 jyly 25 jeltoqsanda, al ekinshisi 2026 jylǵy 15 qańtarda kúshine enedi. Qymbattaý qoldanystaǵy jáne arhivtik tarifterge de áser etedi.
Kompaniialar muny infraqurylymdy jańartý, jańa tehnologiialardy engizý jáne 4G men 5G jelilerin ustaý shyǵyndarynyń ósýimen túsindirip otyr. Buǵan deiin Altel de osyndai sheshim qabyldap, keibir tanymal tarifteriniń baǵasyn eki ese derlik ósirgen bolatyn.
Beeline birneshe tariftik jospar boiynsha baǵa men sharttardy qaita qaramaq. Keibir tarifterge qosymsha resýrstar engizilip, ataýy jańartylady. Máselen, «Úidegi internet» tarifi úshin ailyq tólem 1 qańtardan bastap 8 490 teńgeden 11 249 teńge deiin ósedi.
Tele2 naqty tizimdi jariialamady, biraq abonentterge jiberilgen habarlamalarǵa sáikes, ortasha ósim shamamen 1000 teńge bolmaq, iaǵni, 5 490 teńgeden 6 490 teńgege deiin. Kompaniia baǵanyń ósýi qyzmet sapasynyń turaqtylyǵyn saqtaýǵa múmkindik beretinin aitady. Sondai-aq tutynýshylarǵa qosymsha resýrstar men QINO qyzmeti usynylady: Megogo, PlanB, Tvigle jáne 80 telearnaǵa 2026 jylǵy 31 qańtarǵa deiin tegin qol jetkizý múmkindigi qarastyrylǵan.
